Issapary kezinde vedomostvo basshysy aımaqtaǵy «Aýyl – El besigi», «Jumyspen qamtýdyń Jol kartasy» memlekettik baǵdarlamasymen iske asqan áleýmettik nysandardy aralap kórdi.
Oblys ákimi Gúlshara Ábdiqalyqova mınıstrge memlekettik baǵdarlamalardyń óńirde iske asyrylýy barysyn aıtyp, jobalardyń tıimdiligine toqtaldy.
Máselen, 2019 jyly bastaý alǵan «Aýyl – El besigi» arqyly Jalaǵash pen Josalyda 31 jobany júzege asyrýǵa respýblıkalyq bıýdjetten 1,7 mlrd teńge bólinip, tolyǵymen ıgerildi. Onyń ishinde 4 mektep, 1 emhana, 5 mádenıet nysany, jalpy uzyndyǵy 28,6 shaqyrymdy quraıtyn 21 aýylishilik kósheler jóndelgen.
Mınıstr eń áýeli Qyzylorda qalasyndaǵy Báıterek turǵyn aýdanynda «Jumyspen qamtýdyń jol kartasy 2020-2021» baǵdarlamasy aıasynda salynyp jatqan mekteptiń qurylys jumysymen tanysty. 600 oryndy qamtıtyn bilim mekemesiniń qurylysy keler jyly aıaqtalady. Búginde qurylys alańyna 40-tan astam maman tartylǵan. Barlyǵy da jergilikti jerdiń turǵyndary.
Vedomstvo basshysy azamattardy jumyspen qamtý, qajetti mamandardy tartý memlekettik baǵdarlamalardy júzege asyrýdaǵy negizgi mindetterdiń biri ekenin alǵa tartty. Jumys barysynda ózine júktelgen mindetterdi ýaqytyly júrgize almaǵan merdiger kompanııalardyń jaýapkershiligi qaralatynyn aıtty.
Al aımaq basshysy atalǵan nysannyń erekshe baqylaýda ekenin tilge tıek etti. Sebebi qala shekarasynyń keńeıýi men demografııanyń ósýi jańa mekteptiń qajettiligine jol ashty. Jańa mektep boı kóterse, oryn tapshylyǵy máselesin sheshýge múmkindik beredi.
Bul rette oblys ákimi memlekettik baǵdarlama aıasynda respýblıkalyq bıýdjetten bólingen qarjynyń maqsatty ıgerilýi qatań baqylaýda ekenin jetkizdi. Sondaı-aq, nysan qurylysyna jaýapty merdiger mekeme basshysyna jumysty sapaly ári ýaqytynda aıaqtaýdy tapsyrdy.
Aıta keteıik, mınıstr Serik Shápkenov óńirge jasaǵan issapary kezinde Syrdarııa, Jalaǵash, Qarmaqshy men Qazaly aýdandaryna barady.
