Is-shara álemdik jáne dástúrli dinder lıderleri Seziniń ıdeıalaryn halyqaralyq deńgeıde nasıhattaý jáne qazirgi qoǵamdaǵy dinniń róli týraly halyqaralyq pikirtalas ótkizý úshin uıymdastyryldy.
Dóńgelek ústel otyrysyna QR Aqparat jáne qoǵamdyq damý vıse-mınıstri S.Egizbaev, Qazaqstandaǵy Iran elshiliginiń ókilderi, sondaı-aq QMDB, Nazarbaev ortalyǵynyń, Irannyń mádenıet jáne ıslam baılanystary uıymynyń basshylyǵy qatysty.
Serik Egizbaev eki memleket arasyndaǵy odan ári jemisti yntymaqtastyq halyqtarymyz ben elderimizdiń arasyndaǵy beıbitshilik pen ózara túsinistikti nyǵaıtýǵa yqpal etetinine senim bildirdi. Ol saıası jáne dinı qaıratkerlerdiń kúsh-jigerin biriktiretin sezdiń mańyzdylyǵyn atap ótti.
Dóńgelek ústel barysynda qatysýshylar Qazaqstan men Irannyń Sezd jáne onyń ınstıtýttary ıdeıalaryn ilgeriletýdegi kúsh-jigeri ártúrli mádenıetter men dinder arasynda syndarly dıalog ornatý men damytýda oń nátıje beretini týraly pikir bildirdi.
Is-sharany N.Nazarbaevtyń konfessııaaralyq jáne órkenıetaralyq dıalogty damytý ortalyǵy jáne Qazaqstan Respýblıkasynyń Iran Islam Respýblıkasyndaǵy Elshiligi uıymdastyrdy.
