2021 jylǵy 2 qarashada Semeı qalasynyń garnızondyq ofıserler úıinde batyr-shekarashy Radjan Batyrhanovtyń anasyna saltanatty túrde «TMD-ǵa qatysýshy memleketterdiń shekaralaryn nyǵaıtqany úshin» medali tabystaldy.
Batyr-shekarashyny medalmen marapattaý týraly sheshimdi TMD memleketteriniń (Ázerbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan, Túrikmenstan, О́zbekstan, Ýkraına) 11 shekara vedomstvosynyń Shekara áskerleri qolbasshylary keńesi qabyldaǵan.
Aıta keteıik, Batyrhanov Radjan Armıevıch (1975-1994) ınternasıonalıst-jaýynger, batyr-shekarashy. Jeke qazaqstandyq qurama batalonynyń Kúrshim vzvodynyń quramynda qyzmet atqarǵan. 1994 jylǵy 28 qyrkúıekte tájik-aýǵan shekarasynda qaza tapqan. Qııan-keski aıqasty birinshi qabyldap, óz áskerı qyzmettesterin qutqaryp, urysta jeńiske jetýge jol ashty.
