Qoǵam • 03 Qarasha, 2021

Sheteldik JOO-larda qazaq tilin oqytý ortalyqtary ashyldy

555 ret

kórsetildi

3 mın

oqý úshin

Qazaqstandyq joǵary oqý oryndary shetelde qazaq tilin oqytý ortalyqtaryn ashyp jatyr. Olar qazirdiń ózinde Túrkııa, Iran, Polsha, Ońtústik Koreıa, Belarýs, Qytaı jáne О́zbekstan sııaqty elderde jumys isteıdi, dep habarlaıdy Egemen.kz.

Gaýhar QAPASh

Sheteldik JOO-larda qazaq tilin oqytý ortalyqtary ashyldy

Sheteldik joǵary oqý oryndarymen yntymaqtastyq aıasynda osyndaı til ortalyqtarynyń jumys isteýi sheteldik stýdentterdiń qazaq tilin oqyp, qazaq halqynyń mádenıeti men tarıhymen tanysýyna arnalǵan.

Mysaly, Belarýs ulttyq tehnıkalyq ýnıversıtetinde L. N. Gýmılev atyndaǵy Eýrazııa Ulttyq ýnıversıteti ashqan Abaı atyndaǵy qazaq tili, tarıhy jáne mádenıeti ortalyǵy jumys isteıdi. Qazaqstandyqtar sheteldik stýdentterge qazaq tilin úıretip, ulttyq salt-dástúrler týraly aıtyp beredi. Túrli baıqaýlar, festıvaldar, kórmeler jáne basqa da is-sharalar ótkiziledi. Sonymen qatar EUÝ M. Tank atyndaǵy Belarýs memlekettik pedagogıkalyq ýnıversıtetinde Belarýs-Qazaqstan mádenı-bilim berý ortalyǵyn ashty.

«L.N. Gýmılev atyndaǵy EUÝ bazasynda Qazaq-Belarýs ǵylymı-tehnıkalyq yntymaqtastyq ortalyǵy jumys isteıdi, onyń janynda "Belarýs" Til jáne mádenıet ortalyǵy ashyldy. Ortalyqtar joǵary oqý oryndary arasyndaǵy Halyqaralyq ǵylymı jáne mádenı baılanystardy damytyp, Belarýs pen Qazaqstan stýdentteri arasyndaǵy dostyqty nyǵaıtady. Eýrazııa ulttyq ýnıversıteti Qazaqstan Respýblıkasy men Belarýs Respýblıkasy joǵary oqý oryndarynyń ǵylymı-bilim berý konsorsıýmynyń qyzmetin úılestiretin basty uıym bolyp tabylady», dedi L. N.Gýmılev atyndaǵy EUÝ rektory, Basqarma tóraǵasy Erlan Sydyqov.

«EUÝ bastamasymen Irandaǵy Allame Tabatabaı ýnıversıtetinde Iran-Qazaqstan mádenı-bilim berý ortalyǵy da ashyldy. Ortalyq birlesken baǵdarlamalardy ilgeriletýdi, birlesken ǵylymı eńbekter men zertteýlerdi jarııalaýdy, joǵary oqý oryndary arasynda halyqaralyq is-sharalardy ótkizýdi úılestiredi. EUÝ-niń osyndaı mádenı-bilim berý ortalyqtary Qytaıdyń ońtústik-batys ýnıversıtetinde, Túrkııanyń Nigde Omer Halisdemir ýnıversıtetinde, О́zbekstannyń Ferǵana memlekettik ýnıversıtetinde jumys isteıdi.
Budan basqa, EUÝ Brıýssel qalasynda (Belgııa) ınternasıonaldandyrý jáne halyqaralyq yntymaqtastyqty damytý máseleleri jónindegi resmı ókildigin ashty. Eýropalyq Odaqta L.N. Gýmılev atyndaǵy EUÝ kampýsynyń ashylýy josparda bar», dedi rektor.

M. Áýezov atyndaǵy Ońtústik Qazaqstan ýnıversıteti Qytaıdyń joǵary oqý oryndarymen seriktestik qarym-qatynas ornatý jáne damytý boıynsha belsendi jumys júrgizip jatyr. QR-nyń QHR-daǵy Elshiliginiń qoldaýymen M. Áýezov atyndaǵy OQÝ Dalıan shet tilder ýnıversıtetiniń bazasynda Qazaqstandy zertteý ortalyǵyn ashty. Onda Áýezov ýnıversıtetiniń oqytýshylary jumys isteıdi. Olar nıet bildirýshilerge qazaq tilin úıretedi, olardy qazaqtyń salt-dástúrlerimen tanystyrady. Atalǵan ortalyq Qazaqstan men Qytaı stýdentteri jáne oqytýshylary arasyndaǵy bilim berý, ǵylymı baılanystardy keńeıtý boıynsha da is-sharalar ótkizedi.

Qazaq tili men mádenıeti ortalyqtary Polshadaǵy Iаn Amos Komenskıı ýnıversıtetinde jáne Ońtústik Koreıadaǵy Kyungdong University-de jumys isteıdi. Olar Semeı qalasynyń Shákárim atyndaǵy ýnıversıtetiniń osy sheteldik joǵary oqý oryndarymen yntymaqtastyǵy aıasynda ashyldy. Q.Jubanov atyndaǵy Aqtóbe óńirlik ýnıversıteti Polshanyń Bydgosh qalasynda sheteldik áriptes joǵary oqý oryndarynyń jáne Túrkııanyń Kastamoný ýnıversıtetiniń bazasynda «Qazaq eli» mádenı ortalyqtaryn ashty.