Memlekettik jáne basqa tilderdi úırený úshin qalanyń barlyq turǵyndaryna memlekettik qoldaý kórsetiledi. Tilderdi oqytý boıynsha tegin kýrstar uıymdastyrý maqsatynda 2013 jyldan bastap «Semeı qalasynyń tilderdi oqytý ortalyǵy» KMM jumys isteıdi. 2020-2021 oqý jylynda ortalyq bazasynda memlekettik tildi 719 adam, aǵylshyn tilin - 269 adam, orys tilin - 236 adam oqydy. Bıylǵy oqý jylynda qazaq tilin - 279 adam, orys tilin - 103 adam, aǵylshyn tilin - 89 adam oqýda.
Qalada turatyn etnostar ókilderiniń tilderin oqytý boıynsha Tilderdi oqytý ortalyǵynyń bazasynda jeksenbilik mektep jumys isteıdi. Aǵymdaǵy oqý jylynda jeksenbilik mektepte tatar tilin - 30, nemis tilin - 19 jáne orys tilin - 16 adam oqıdy.
«Shyǵys Qazaqstan oblysynyń Semeı qalasyndaǵy ulttyq - tildik ahýal týraly» áleýmettik saýalnamanyń qorytyndysy boıynsha 2020 jyly memlekettik tildi meńgergen halyqtyń úlesi 96%-dy qurap, 2019 jylmen salystyrǵanda 1,2 esege artty. Aǵylshyn tilin meńgergen turǵyndardyń úlesi 7,9%-dy, úsh tildi (qazaq, orys jáne aǵylshyn tilderin) meńgergen turǵyndardyń úlesi 7%-dy qurady.
Qala turǵyndary memlekettik jáne basqa tilderdi damytýǵa baǵyttalǵan respýblıkalyq jáne oblystyq is-sharalarǵa belsendi qatysady.
Sonymen qatar toqsan saıyn memlekettik organdardyń qujat aınalymyna monıtorıng júrgiziledi. Shyǵys qujat aınalymyndaǵy memlekettik tildiń úlesi 2020 jyly 95%-dy, bıylǵy jyldyń 9 aıynyń qorytyndysy boıynsha 97%-dy qurady.
