«Bul másele Pavlodar (1,25%), Batys Qazaqstan (1,4%) jáne Soltústik Qazaqstan (3,5%) oblystarynda óte ózekti bolyp tur. Osy jyldan bastap olardy kómýge tyıym salyndy. Norma 2016 jyly engizildi. Oǵan qaramastan, tek Nur-Sultan, Almaty jáne Lısakovsk qalalarynda qurylys qaldyqtaryna arnalǵan alańdar bar», dedi mınıstr.
Jalpy, qoqys shyǵaratyn uıymdardyń qyzmetin retteý jáne baqylaý maqsatynda jańa Ekokodekste habarlama jasaý tártibin engizý kózdelgen. Olar kólikke GPS-datchıkterin ornatýǵa jáne kóliktiń qozǵalysy týraly tolyq aqparatty berýge mindetti. Oǵan qosa, qaldyqtarmen jumys isteý talaptaryn buzǵany úshin aıyppuldar da joǵarylaǵan.
«Sonymen qatar Memleket basshysynyń tapsyrmasy boıynsha Aral teńiziniń qurǵaǵan túbine jalpy kólemi 1,1 mln gektar jerge sekseýil otyrǵyzýdy naqty iske asyrýǵa kiristik. Bıyl sekseýil egý 100 myń ga alqapta, kelesi 4 jylda jyl saıyn 250 myń ga alqapta júrgiziletin bolady. О́zbekstan Respýblıkasynyń oń tájirıbesin qoldana otyryp, biz alǵash ret sekseýildi aero egýdi júrgizýdi josparlap otyrǵanymyzdy atap ótý qajet. Yntymaqtastyq jónindegi tıisti Jol kartasyna qol qoıyldy», dep málimdedi Maǵzum Myrzaǵalıev.
