“QAZAGROQARJY” QOLDAǴAN JOBALAR

Aqtóbe oblysynyń ákimi Eleý­sin Saǵyndyqov osy kompanııa qarjylandyryp otyrǵan “AIS” JShS taýarly-sút fermasy qury­lysynyń basynda bolyp, ınnovasııalyq jobanyń júzege asyrylý barysymen tanysty. Seriktestik bas dırektorynyń orynbasary Smaǵul Beısembaev jobanyń óndiristik qýaty jáıli oblys basshysyna málimdeı kele, osy kezge deıin atqarylǵan sha­rýa­lardy júıelep jetkizdi. Onyń aıtýynsha, atalǵan joba oblys turǵyndarynyń sút ónimderine degen suranysyn óteýge baǵyt­talǵan eken. Fermada jylyna 7,2 myń tonna sút óndiriledi, onyń keminde teń jartysy eksportqa shyǵarylady dep kútilýde. Joba­nyń smetalyq quny 3 mlrd. 136,10 mıllıon teńge quraıdy. Osyn­shama qarjynyń teń jartysynan astamy ıgerilipti. Bıylǵy jylǵy 1 shildege deıin búkil jumysty at­qaryp, óndiristi iske qosý kózdelýde. Munda gollandııalyq “Van Der PLOEG” fırmasynyń ozyq teh­nologııalyq jabdyqtary ornaty­latyn bolady. Oblys basshysy qurylys basynda bolǵan kezinde seriktestik, “QazAgroQarjy” kom­panııasy oblystyq fılıaly­nyń jetekshisimen pikir alysyp, olardyń atqaryp jatqan sharýa­laryn maquldap, qoldaý bildirdi. Taýarly-sút fermasyn paıdala­nýǵa berý óńir ekonomıkasyn damytýǵa, turǵyndardy sút ónim­derimen úzdiksiz qamtamasyz etýge yqpal etetinin atap ótti. Gollandııadan mol ónim bere­t­in sútti Golshtın-Frız tekti sıyrlary ákelinedi. 1100 sıyr ustaýǵa arnalyp salynyp jatqan keshendegi eki qorada sıyrlar baǵylady. Jas shamasynda qaraı buzaýlar turatyn úsh qora da bi­týge jaqyn. Budan basqa úsh qurama jem sehy, táýligine 23,6 tonna sút saýatyn oryn salynyp jatyr. Qazirgi ýaqytta ferma qurylysyn salýmen bes merdi­gerlik uıym aınalysýda, onda barlyǵy 100 adam eńbek etýde. Fer­ma jańa tehnologııaǵa negizde­lip salynǵandyqtan, munda jumys kúshi de kóp qajet etilmeıdi, os­ynshama sıyrdy nebári bes-alty saýynshy saýatyn kórinedi. Olar­dan basqa qosalqy jumystar­dy qosqanda keshende 80 adamǵa jumys orny ashylmaqshy. On jyldan astam ýaqyt ju­mys istep kele jatqan “QazAgro­Qarjy” AQ basynda 80-90 paıyzy eskirgen elimizdiń aýyl sharýashy­lyǵynyń tehnıkalyq parkin ja­ńartý máselesin sheshýge quryl­ǵan-dy. Kompanııa birinshi kúnnen bastap aýyl sharýashylyǵy sala­synyń strategııalyq jáne senimdi áriptesi bolyp keledi. Elbasynyń elimizdiń agroónerkásip kesheni salasyndaǵy tujyrymdy saıasaty arqasynda kompanııa qyzmeti aýyl sharýashylyǵyn damytý úshin anaǵurlym ońtaıly jáne tu­tynýshlardyń kóbine qoljetimdi bolyp otyr. Qazir “QazAgro­Qarjy” AQ jobalardy tek qana máshıne-traktor parkin jańartý baǵytynda emes, aýyl sharýashylyǵy ónim­de­rin óndirý jáne óńdeý salasynda júzege asyrýǵa ınvestısııa salyp, básekege qabiletti jáne eksportqa baǵyttalǵan ónimder shyǵarýdy qar­jylaı qoldap keledi. “Qaz­Agro­­Qarjy” AQ Aqtóbe fılıaly bıyl oblysta úsh iri jobany paı­dalanýǵa bermekshi. Biz osy sharýanyń basy-qasynda júrgen “QazAgro­Qarjy” AQ-tyń Aqtóbe fılıalynyń dırektory Qorǵan Nurtazındi sózge tartyp, qalǵan eki joba týraly da taratyp aıtý­yn ótingen edik. – Budan basqa Alǵa aýdany Bestamaq eldi mekeninde salynyp jatqan “Parıjskaıa kommýna- HHI” JShS-nyń 40 myń shosh­qa­lyq kesheni de bıyl paıdalanýǵa berilmekshi. Jobanyń jalpy qu­ny 2,4 mlrd. teńge bolady. Ke­shenniń jobalyq qýaty boıynsha munda 40 myń shoshqa ustalady. Osynashama shoshqany azyqtan­dyrý úshin saǵatyna 10 tonna qu­ramajem óndiretin seh, aýysy­myna 150 shoshqa soıylatyn qasaphana da salyndy. Bul joba júzege asqanda shoshqa ósiriledi, jartylaı daıyn et, shujyq ón­im­deri shyǵarylady, asyl tuqym­dy toraılar ósiriledi. Keshende ǵana jańa jumys oryndary ash­ylady. Al, keshenniń paıdalanýǵa berilýi Qytaı men Qyrǵyzstannan ákeli­netin tońazytylǵan ettiń úlesin azaıtyp, óndirilgen et, shujyq ónimderiniń belgili bir bóligin Reseıdiń kórshiles ob­lystaryna shyǵarýǵa múmkindik beredi, – deıdi ol. Qorǵan Nurtazınniń málim­deýinshe, jalpy quny 1 mlrd. teń­ge bolatyn jylyjaıdyń jobalyq qýaty jylyna 1200 tonna tomat óndirýge eseptelgen. Munda otyz bes jańa jumys oryny ashylady. Jylyjaı kesheni aýa raıyna qaramastan jyl boıy ónim óndirýge negizdelgen, bul osy ónimderge baǵany turaqty ustap turýǵa múmkindik beredi. Bul jobalardyń artyqshylyǵy sol “QazAgro­Qarjy” AQ osy zamanǵy ozyq tehnologııalyq qondyrǵylar satyp alýdy qarjylandyryp otyr. Munyń ózi qazirgideı báse­kelestik jaǵdaıynda sapaly ónim óndirýge alǵyshart jasaıtyny sózsiz. Aqtóbe qalalyq ákimdigi osy tolyq ınfraqurylymmen qamtamasyz etilgen jylyjaılar úshin 60 ga jer bóldi. Osy úsh iri joba Aqtóbe qalasynyń azyq-túlik beldeýin jasaýdy qamtama­syz etip qana qoımaıdy, básekege qabiletti sapaly ónimderdi syrtqa shyǵarýǵa da sátti qadamdar jasaýǵa múmkindik beredi. Kompanııa fılıaly sondaı-aq, “Aıs” JShS-ynda saǵatyna 500 kılo balmuzdaq, “Kompanııa ROKOS” JShS-ynda shujyq ónimderin, “Taǵam regıon” JShS nan ónimderin shyǵaratyn shaǵyn jobalardy da qarjylandyryp otyr. “QazAgro­Qarjy” AQ-tyń Aqtóbe fılıaly oblystyń aýyl sharýashylyǵy qurylymdary arasynda berik senimge ıe bolǵan birden-bir qarjylyq kompanııa dese de bolady. Osyndaı iri jobalardy qarjylandyrýmen birge, oblystyń sharýashylyq qu­rylymdarynyń máshıne-traktor parkin jańartýǵa da ózindik úlesin qosyp keledi. О́zi jumys isteı bastaǵan on jylda oblysqa jalpy baǵasy 11 141,2 mln. teńge tura­tyn 661 tehnıkany lızıngtik ádisimen alyp berdi. Bıyl aýyl sharýashylyǵy qurylymdary jalpy quny 700 mln. teńge bolatyn 30 tehnıkany lızıngke satyp alýǵa tapsyrys beripti. Qazirdiń ózinde 146,3 mln.teńgege kelisim-shart jasasypty. Byltyr oblys sharýashylyqtaryna 4224 mln. teńgeniń tehnıka men teh­nologııalyq jabdyqtardy satyp alýdy qarjylandyrǵan eken. О́tken jyldarǵa qaraǵanda tapsyrystyń tómendeýiniń negizgi sebebi byltyr aýa raıynyń qýańshylyǵy saldarynan eginniń shyqpaı qalǵandyǵy, astyq da­qyl­daryn ótkizý rynogynyń bol­maýy deıdi mamandar. Qalyp­tasqan jaǵdaı buryn alynǵan tehnıkalar úshin ýaqtyly ótem jasaýǵa áser etip otyrǵan kóri­nedi. Sonymen birge “QazAgro­Qarjy” AQ Elbasynyń agroóner­kásiptik keshendi damytý saıasatyn júzege asyrý men sharýashylyq qurylymdarynda eńbek ónimdi­li­gin arttyrý, básekege túse alatyn aýylsharýashylyq ónimderin shyǵarýdy qarjylyq jáne lı­zıngtik qyzmet kórsetý arqyly qoldaý jumystaryn júrgizedi. On jyl boıyna aýyl sharýashylyǵyn qarjylaı qoldap kele jatqan kompanııa ózi áriptestik qatynas qalyptastyrǵan “Qumqudyq”, “Eńbek-Agro”, “Qazaqstannyń 30 jyldyǵy”, “Dostyq”, “Úmit-Na­dejda”, “Ferma Iran” jaýap­ker­shiligi shekteýli seriktestikteri já­ne “Bulaq” sharýa qojalyqtary sııaq­ty sharýashylyq qurylym­da­ryna bıylǵy eginniń ónimde­rimen ótem jasaýǵa múmkindik berip otyrǵany da quptarlyq. Mundaı kómek berý bir rettik emes te eken. Aýa raıy qýańshy­lyq­ty ótken jyly da qaryzyn keı­in óteýge ótinish jasaǵan sha­rýashy­lyq­tarǵa osyndaı múm­kindik berilipti. Biz “QazAgro­Qarjy” AQ qar­jylaı qoldap otyrǵan jobalar­daǵy jumys qarqynyn kórip, kompanııanyń sharýa adamyna qolaıly qaǵıdalar ustanyp otyr­ǵanyn kórdik. Aýyldyń ajaryn kir­gizetin qadamdarǵa baryp otyr­ǵan aksıonerlik qoǵamnyń Aqtóbe fılıalynyń qadamdaryna sátti­lik tiledik. Qudaı qalasa, aqtó­belikter bul jobalardyń ıgiligin kóretini de sózsiz. Kompanııanyń qol­daý kómegin sezingen sharýashy­lyq qurylymdarynyń áriptes­tiktiń ádebinen aspaı qaryzdaryn qaı­taratynyna senim mol. Satybaldy SÁÝIRBAI. Aqtóbe oblysy.