Qazaqstan • 08 Qarasha, 2021

BAQ týraly zańǵa qandaı túzetýler engiziledi

2364 ret kórsetildi

QR Aqparat jáne qoǵamdyq damý vıse-mınıstri Kemelbek Oıshybaev BAQ salasynyń zańnamalyq damýyn talqylaýǵa qatysty konferensııada sóz sóıledi, dep habarlaıdy Egemen.kz.

«Aqparat mınıstrligi BAQ salasyndaǵy aǵymdaǵy jaǵdaıdy, halyqaralyq tájirıbeni zerdelep, zańnamaǵa óz túzetýlerin daıyndaýda. Jańa zańdy ázirleýdiń maqsaty - otandyq BAQ-tyń básekege qabilettiligin arttyrý úshin qolaıly jaǵdaı jasaý jáne jýrnalısterdiń quqyqtaryn qorǵaý», dedi Kemelbek Oıshybaev.

Onyń aıtýynsha, mınıstrlik óz aldyna kelesi mindetterdi qoıady:

  • Shet elderdiń BAQ salasyndaǵy halyqaralyq tájirıbesin jáne olardy qoldaný praktıkasyn zerdeleý;
  • Otandyq zańnamany «sóz bostandyǵy» máselelerin retteıtin halyqaralyq quqyq normalaryna sáıkes keltirý;
  • Aqparat qurý, alý jáne taratý prosesterimen baılanysty qoǵamdyq qatynastardy retteý;
  • BAQ máselelerin retteıtin QR qoldanystaǵy zańnamasyndaǵy olqylyqtar men qaıshylyqtardy joıý.

«Qazir mınıstrlikte zerdelenip jatqan jáne bizdiń kózqarasymyz boıynsha zańnamany jetildirý qajet máselelerge toqtalǵym keledi. Olardyń keıbireýi boıynsha bizde paıymdaý qalyptasqan, biraq ol jurtshylyqpen, sondaı-aq basqa da memlekettik organdarmen kelisilýi tıis», dep túıindedi Q.Oıshybaev.

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar