Qujattyń tolyq ataýy – «Qashyqtan bilim berý tehnologııalary boıynsha oqý prosesin uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 20 naýryzdaǵy № 137 buıryǵyna ózgerister engizý týraly buıryq.
Qujat 2021 jyldyń 19 qarashasynan bastap qoldanysqa engiziledi. Buıryqqa engen ózgerister boıynsha, budan bylaı bilim berý uıymdary qashyqtan oqytýǵa tolyq kóshken kezde proseske qatysýshylardyń bárin aqparattyq júıemen, sabaqtardyń elektrondyq kestesimen, jýrnal jáne oqý resýrstarymen qamtamasyz etýi kerek.
Naqtyraq aıtsaq, qashyqtan oqytýdy usyný úshin bilim berý uıymdary myna talaptarǵa saı bolýy kerek:
1) oqý qyzmetin uıymdastyrý úshin ınternet jelisine qosylýǵa múmkindik beretin telekommýnıkasııalyq arnalardyń bolýy;
2) aqparattyq resýrstarǵa, sıfrlyq resýrstarǵa jedel qol jetkizý quraldarynyń bolýy;
3) oqý-ádistemelik, uıymdyq-ákimshilik aqparatty, beınesabaqtardy qamtıtyn aqparattyq júıeniń bolýy;
4) «Orta, tehnıkalyq jáne kásiptik, orta bilimnen keıingi bilim berý uıymdarynyń pedagogteri júrgizý úshin mindetti qujattardyń tizbesi jáne olardyń nysandaryn bekitý týraly» Qazaqstan Respýblıkasy Bilim jáne ǵylym mınıstriniń 2020 jylǵy 6 sáýirdegi № 130 buıryǵyna (normatıvtik quqyqtyq aktilerdi memlekettik tirkeý tiziliminde № 20317 bolyp tirkelgen) sáıkes elektrondyq jýrnaldar men kúndelikter júıesine qosylý;
5) bilim berý uıymdarynyń pedagogterinde aqparattyq tehnologııalar boıynsha kýrstarynan ótkendigi týraly sertıfıkattardyń bolýy;
6) oqý prosesin sıfrlyq bilim resýrstarymen qamtamasyz etý;
7) bilim berý uıymdarynda paıdalanylatyn baǵdarlamalyq-apparattyq keshenge jáne qoldanbaly baǵdarlamalyq qamtamasyz etýge qoıylatyn usynylǵan eń az talaptardyń saqtalýy.
Sondaı-aq qujatta joǵary jáne joǵary oqý ornynan keıingi bilimniń bilim berý qashyqtan uıymdastyrylsa, qandaı talaptar saqtalýy kerektigi naqty kórsetilgen. Ol talaptardy myna siltemeden kórýge bolady.
