Koronavırýs • 09 Qarasha, 2021

Revaksınasııadan alǵash kimder ótetini belgili boldy

145 ret kórsetildi

Qazaqstanda COVID-19-ǵa qarsy revaksınasııa qarashanyń ekinshi jartysynda bastalady. Elordadaǵy №15 qalalyq emhananyń JTD bóliminiń meńgerýshisi Gúlnar Syzdyqova býsterlik vaksınany birinshi bolyp azamattardyń qandaı sanattary alatynyn aıtty, dep habarlaıdy Egemen.kz.

Koronavırýstyq ınfeksııaǵa qarsy revaksınasııa KVI-men kúreste ımmýnıtetti nyǵaıtý úshin júrgiziledi. Ony birinshi kezekte aýrýǵa beıim azamattar sanaty alatyn bolady.

«Birinshi kezekte KVI-den alǵashqy bolyp ekpe alǵandar – medısına qyzmetkerleri, pedagogter, quqyq qorǵaý organdarynyń qyzmetkerleri vaksınamen qaıta egiledi. Árıne, bári erikti negizde. Sondaı-aq, birinshi kezektegi revaksınasııadan sozylmaly aýrýlary bar adamdar, qart adamdar ótkeni abzal, óıtkeni olar táýekel tobyna kiredi», dep túsindirdi Gúlnar Syzdyqova.

Aıta ketý kerek, revaksınasııa merzimi KVI vaksınasynyń eki dozasyn alǵan sátten bastap 6 aıdan 9 aıǵa deıin ózgeredi. Dárigerler sonymen qatar kross-vaksınasııany, basqasha aıtqanda, vaksınanyń basqa túrin egýdi usynady.

«Spýtnık V» alǵannan keıin revaksınasııany 9 aıdan keıin júrgizý kerek, óıtkeni bul – vektorlyq, kúsheıtilgen vaksına. Otandyq «QazVac» pen qytaılyq «Vero Cell» – 6 aıdan soń», dep naqtylady dáriger.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar