Koronavırýs • 10 Qarasha, 2021

Balalar men júkti áıelderdi vaksınasııalaý qalaı júrgiziledi?

199 ret kórsetildi

Densaýlyq saqtaý mınıstri Alekseı Soı Úkimet otyrysynda balalardy qalaı jáne qaıda vaksınasııalaıtynyn aıtty, dep habarlaıdy Egemen.kz.

Soı balalardyń, júkti jáne bala emizetin áıelderdiń koronavırýstyq ınfeksııaǵa qarsy vaksınasııaǵa qol jetkizýin qamtamasyz etý úshin 4 mln 230 doza vaksına satyp alynǵanyn eske saldy.

Bul kólem 2 mıllıon 115 myń adamdy vaksınasııalaýǵa jetkilikti.

«Vaksınasııalaýǵa 12-den 17 jasqa deıingi balalar, júktiliktiń 16-37 aptasy merzimindegi júkti áıelder jáne bosanǵannan keıin 42 kúnnen keıin bala emizetin áıelder jatady. 15 qarashaǵa deıin 379 myń doza kóleminde Pfizer vaksınasynyń birinshi partııasyn jetkizý josparlanýda. Tarıhı turǵydan balalardy vaksınasııalaý oqý orny boıynsha egý pýnktterinde, ıaǵnı bilim berý uıymdarynda júrgiziledi. Koronavırýsqa qarsy vaksınasııa bilim berý uıymdarynda jáne respýblıkanyń egý pýnktteri jelisinde de júrgiziletin bolady. Ata-analardyń nemese kámeletke tolmaǵandar men jasóspirimderdiń ózge de zańdy ókilderiniń erikti túrde habardar etilgen kelisiminen keıin ǵana», dep atap ótti mınıstr.

Onyń aıtýynsha, vaksınasııa naýqanyn júrgizý úshin Pfizer vaksınasyn saqtaý erekshelikterin eskere otyryp, Qazaqstannyń 16 óńirine jetkizilgen 34 tońazytqysh jabdyq satyp alyndy.

Budan basqa, qosymsha 51 birlik tońazytqysh jabdyq satyp alyndy, qarasha aıynyń sońyna deıin olardy barlyq óńirlerge jetkizý josparlanyp otyr.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar