Koronavırýs • 10 Qarasha, 2021

Qazaqstanda koronavırýs báseńdedi

69 ret kórsetildi

Qazaqstanda sońǵy eki aıda koronavırýs aýrýy 3,4 ese, al ólim-jitim 4 ese azaıdy. Bul týraly QR Densaýlyq saqtaý mınıstri Alekseı Soı málim etti, dep habarlaıdy Egemen.kz.

Mınıstr atap ótkendeı, 222 eldiń álemdik reıtıngine sáıkes Qazaqstan syrqattanýshylyq kórsetkishi boıynsha 105-orynda, al ólim kórsetkishi boıynsha 101-orynda tur.

«Búgingi tańda halyqty testileýge qoljetimdilik qamtamasyz etildi. Zerthanalardyń sanyn 165-ke deıin arttyrý esebinen zerthanalyq qýat táýligine 126 myńnan astam zertteýdi quraıdy, kún saıyn 60 myńǵa deıin zertteý júrgiziledi. KVI-ǵa ótkizilgen test sany boıynsha Qazaqstan álemniń 222 eliniń ishinde 47-shi orynda», dedi Densaýlyq saqtaý mınıstri.

Qazirgi ýaqytta «qyzyl» aımaqta úsh óńir (Qostanaı, Pavlodar jáne Soltústik Qazaqstan oblystary) bar. Tórt óńir - «sary aımaqta» (Qaraǵandy oblystary, Aqmola oblysy, Almaty jáne Nur-Sultan qalalary). 10 óńir «jasyl» aımaqta ornalasqan.

«Jalpy, Qazaqstanda sońǵy eki aıda syrqattanýshylyq 3,4 ese, al ólim-jitim 4 ese tómendedi. Respýblıka boıynsha 1 tamyzdan bastap ınfeksııalyq tósekterdiń jumyspen qamtylý deńgeıi 56-dan 30%-ǵa deıin, reanımasııalyq tósekterdiń - 45-ten 26%-ǵa deıin tómendegeni baıqalady. Rezervte 30 myńnan astam tósek-oryn bar», dedi Alekseı Soı Úkimet otyrysynda.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar