«Bıyl «eko» arqyly dúnıege kelgen alǵashqy qazaqstandyq bala 25-ke keldi. Osynaý 25 jyldyq qysqa ýaqyttyń ishinde elimizde 85 myń erli-zaıypty emdeýden ótken. Qazan aıynda «eko» arqyly 25 myńynshy bala ómirge keldi. Bul - óte mańyzdy oqıǵa deýge bolady. Osy qysqa ýaqytta elimizde zamanaýı tehnologııalardyń bári engizilgenin atap ketý kerek. Onyń arasynda ımplantasııa aldyndaǵy genetıkalyq skrınıng te bar. Iаǵnı, búginde 5 kúndik embrıonnyń búkil hromosomalaryn zertteýge múmkindik bar. Osynyń arqasynda patologııasy bar embrıondy jatyrǵa salmaı turyp dıagnostıkalaýǵa bolady», dedi ol Ortalyq kommýnıkasııalar qyzmetinde ótken brıfıngide.
Onyń aıtýynsha, qazirgi tehnologııalardyń arqasynda erlerdiń belsizdigin emdeýdiń túrli tásilderi bar.
«Ekobaǵdarlamalar aıasynda júrgiziletin emniń shamamen 50 paıyzy erlerdiń syrqatymen baılanysty. Jalpy, bala súıe almaı júgingenderdiń 40 paıyzynda - áıel bedeýligi, 30 paıyzynda - erlerdiń faktory, qalǵanynda ekijaqty faktor kezdesedi. Erler faktory «eko» jasatýǵa jıi sebep bolady. Toqsanynshy jyldary ICSI tehnologııasy paıda bolǵannan beri jumyrtqa jasýshasyna bir ǵana cpermatozoıd salý arqyly uryqtandyrýǵa bolatyny dáleldendi. Sonyń arqasynda belsiz dep tanylǵan erlerdiń kóbi óz kindiginen shyqqan bala súıý múmkindigine ıe bolyp otyr. Qazir donordyń uryǵyna suranys sırek», dedi Vıacheslav Lokshın.
