Qarajatty maqsatty paıdalaný qajet

Memleket basshysy Nursultan Nazarbaev Tabıǵı monopolııalardy retteý agenttiginiń tóraǵasy Murat Ospanovty qabyldady, dep habarlady Prezıdenttiń baspasóz qyzmeti. M.Ospanov Memleket basshysyna agenttiktiń 2013 jylǵy jumys qorytyndylary men bıylǵy jylǵa arnalǵan josparlar týraly baıandady. Kezdesý barysynda tarıf saıasatyn jetildirý jónindegi negizgi sharalar, sondaı-aq, tarıfterdi qalyptastyrýdyń ashyqtyǵyn qamtamasyz etý, retteletin qyzmetter sapasyn arttyrý men tabıǵı monopolııa­lar sýbektileriniń qyzmetine baqylaýdy kúsheıtý máseleleri talqylandy. Qazaqstan Prezıdenti mono­po­lısterdiń tarıfterdi ósirý nátıjesinde alynatyn qarajat­tardy maqsatty paıdalanýyn qatań baqylaýdy qamtamasyz etý qajettigine nazar aýdardy. Nursultan Nazarbaev shaǵyn jáne orta bıznesti damytý úshin barynsha qolaıly jaǵdaılar jasaýdyń, sonymen qatar, ınvestısııa tartý maqsatynda mem­leket-jekemenshik serik­testigi tetigin keńirek qoldanýdyń mańyz­­dylyǵyn atap ótti. Agenttik tóraǵasy Memleket basshysyn tabıǵı mono­po­lııa­lar sýbektileriniń ınvestı­sııa­larynyń ósý qarqyny men salany jańǵyrtýdyń nátıjeleri týraly habardar etti. Kapıtal salý tozý deńgeıin tómendetýge jáne ysyrapty edáýir qysqartýǵa yqpal etkeni atap ótildi. Atap aıtqanda, 2006 jyldan bastap olardyń deńgeıi is júzinde jartylaı tómendegen, sondaı-aq, otyndy, shıkizatty, materıaldar men energııany tutyný azaıǵan. Kezdesý qorytyndysynda Memleket basshysy birqatar naqty tapsyrmalar berdi. ----------------------------------------- Sýretterdi túsirgender S.BONDARENKO, B.OTARBAEV.