2019 jyldan bastap 2021 jylǵy qarasha aralyǵynda Qazaqstan Respýblıkasynyń aýmaǵynan TMD elderinde urlanǵan 231 avtokólik tabyldy. TMD elderinen qylmystyq avtokólikterdi ımporttaý faktileri kezdesedi. Osy oraıda, qylmyskerler kelesi shemalardy paıdalanady.
Mysaly, olar avtokólikti satyp alady da, belgisiz bireýlerge rásimdep, sonyń atynan lızıng nemese nesıe alady. Alǵashqy bir-eki aıda nesıeniń aqshasyn tóleıdi. Budan soń avtokólikti Qazaqstan aýmaǵyna shyǵarady. Bul rette avtokólik esh jerde izdeýde kórsetilmeıdi. Sosyn da shekaradan kedergisiz ótkiziledi. Al odan keıin ol avtokólikti qaıtadan satady jáne resmı túrde elimizdiń azamattaryna rásimdeledi.
Osydan keıin olar lızıng nemese nesıe úshin tıisti aı saıynǵy aqysyn tóleýdi toqtatady. Nesıesi tólenbeı jatqan soń, lızıngtik kompanııalar avtokólikterdi izdeı bastaıdy. Polısııaǵa aryz beredi, odan ári qylmystyq izdeýge jarııalaıdy. Sondaı-aq, taǵy bir jıi kezdesetin shemalardyń biri – qylmysker avtokólikti aldyn ala uzaq merzimge jalǵa alyp, sosyn ony QR azamattaryna naryqtyq baǵadan tómen baǵamen qaıta satyp jiberedi.
Arendanyń merzimi bitken kezde ǵana avtokólikterin taba almaı qalǵan jalǵa berýshiler polısııaǵa júginedi. «Krımınaldyq» tarıhy bar avtokólikterdi satyp alýdan saqtaný úshin avtomobıldi basqa elden satyp alǵan kezde ony tıisti tekserýler júrgiziletin ýákiletti organda tirkeý esebinen shyǵarý kerek.
Keıinnen ony Qazaqstan aýmaǵynda tirkeýdi usynamyz.
