Is-sharaǵa álemniń 24 eliniń memleket jáne úkimet basshylary, syrtqy ister, bilim jáne mádenıet mınıstrleri, sondaı-aq múshe memleketterdiń elshileri men turaqty ókilderi qatysty.
Mártebeli jıynǵa arnaǵan sózinde Elshi Qazaqstan Respýblıkasy táýelsizdiginiń 30 jyldyǵyn atap ótý jylynda ótip jatqan is-sharanyń erekshe máni bar ekenin atap ótip, elimizdiń turaqty jáne progressıvti memleket qurýdaǵy negizgi jetistikterin atap ótip, áriptestik rýhynda IýNESKO sheńberindegi yntymaqtastyqtyń odan ári qaryshty damýyna úmit bildirdi.
Ol IýNESKO-nyń Bas dırektory retinde jańa merzimge saılanýyna baılanysty Odre Azýleni quttyqtaı otyryp, Qazaqstan basshylyǵynyń osy bedeldi halyqaralyq uıym men onyń negizgi organdarynyń dáıekti jumysyna qoldaý kórsetetinin málimdedi.
Turaqty ókil IýNESKO basshylyǵyn 2022 jylǵy qyrkúıekte Nur-Sultan qalasynda ótetin Álemdik jáne dástúrli dinder lıderleriniń VII sezine shaqyrdy.
Qazaqstannyń IýNESKO-nyń halyqaralyq tizilimine mádenı jáne tabıǵı muranyń ártúrli nysandaryn engizý jónindegi belsendi qyzmetin ataı otyryp, Elshi Qazaqstan Úkimetiniń IýNESKO-nyń konvensııalyq qujattaryna sáıkes óz aýmaǵynda Dúnıejúzilik mura eskertkishterine keshendi qorǵaýdy qamtamasyz etý boıynsha turaqty jumys atqarýǵa nyq nıetin rastady.
J. Ǵalıev Qazaqstannyń bastamalaryn qoldaǵany úshin IýNESKO-ǵa múshe memleketterge alǵysyn bildirip, Dúnıejúzilik mura komıtetine elimizdiń 2023-2027 jyldarǵa arnalǵanke kandıdatýrasyn qoldaýǵa shaqyrdy.
