Ýkraınada 25 mamyrǵa belgilengen merziminen buryn ótetin prezıdenttik saılaýdyń naýqany bastalyp ketti. Sóıtip, keshe úmitkerlerdi ilgeriletý úderisi bastaldy. Ol 30 naýryzǵa deıin jalǵasady. Al kandıdattardy tirkeýdiń sońǵy merzimi 4 sáýir dep belgilengen.
Ońtústik Koreıa prezıdenti Pak Kyn He Soltústik Koreıamen birigýge daıyndyq jónindegi komıtet qurý týraly habarlady. Ol osyndaı málimdemeni keshe ótken dástúrli jyl saıynǵy teleúndeýi kezinde jasaǵan. Jańa komıtet KHDR-men jaqyndasý josparymen aınalysa otyryp, kele-kele eki eldiń qosylýy úshin jumys isteıtin bolady.
Ýkraınanyń kommýnıstik partııasy men onyń Joǵarǵy Radadaǵy fraksııasy oppozısııaǵa ótý jóninde sheshim qabyldady. Sońǵy kezderi Kıev pen eldiń basqa da qalalarynda kompartııanyń shtabyna shabýyl jasaý jıilep ketken edi. Petr Sımonenko bastaǵan ÝKP-nyń mundaı sheshim qabyldaýyna osy áreketterdiń áseri de bolýy yqtımal.
AQSh tarıhyndaǵy eń tájirıbeli kongressmen Djon Dındjel О́kilder palatasynda 58 jyl jumys istegen bolatyn. Endi ol jańa merzimge saılaýǵa túspeıtinin habarlady. 87 jastaǵy qarııa óziniń mansaby ólimmen aıaqtalǵanyn, ıaǵnı kongresten tabytqa salynyp shyqqanyn qalamaıtyn sekildi.
Izraıl polısııasy keshe Ierýsalımde tártipsizdikterge jol bergen palestınalyqtardy qýyp taratty. Al polısııaǵa qarsy tas atqan jastar qamaýǵa alyndy. Tártipsizdikterge el parlamentine Shatqal kúmbezi dep atalatyn meshit turǵan jerge ıýdeılerdiń barýyna ruqsat beretin zań jobasy engizilýi sebep boldy.
Meksıka bıligi álemdegi eń yqpaldy qylmyskerlerdiń biri, kópten beri izdeý jarııalanǵan esirtki barony – «Sınaloa» esirtki karteliniń basshysy Hoakın Gýsmandy ustady. Ol bir oq jumsalmastan tutqyndalǵan. Operasııaǵa amerıkalyq esirtkimen kúresýshiler de qatysqan.
Reseı syrtqy ister mınıstrligi qolbasshy Mıhaıl Kýtýzovtyń Ýkraınanyń Lvov oblysyndaǵy eskertkishi qulatylýyna baılanysty narazylyq bildirdi. «Biz Ýkraınanyń jańa basshylyǵynan mundaı shekten shyǵýshylyqty toqtatýdy talap etemiz», delingen SIM-niń málimdemesinde.
Reseı bıýdjeti rýbldiń qunsyzdanýynan jyldyń qorytyndysy boıynsha 1 trıllıon rýblge deıin (28,1 mlrd. dollar) qarajat alýy múmkin. Mundaı boljamdy óziniń dástúrli sholýynda Ekonomıka joǵary mektebiniń damý ortalyǵy jasaǵan.
Chelıabi qalasyndaǵy Traktor zaýyty aýdandyq soty áskerde júrgen kezinde alǵan jaraqaty úshin memleketten ótemaqy talap etken burynǵy soldattyń talabyn qanaǵattandyrdy. Sot qarjy mınıstrligine zardap shegýshige ótemaqy retinde 800 myń rýbl tóleýdi mindettedi.
Aqparat agenttikteriniń materıaldary negizinde ázirlendi.
