Sala jumysy saralandy

Keshe Premer-Mınıstr Serik Ahmetovtiń qatysýymen «QazMunaıGaz» UK» AQ-tyń keńeıtilgen alqa májilisi boldy. Onyń jumysyna Parlamenttiń depýtattary, Úkimet músheleri, elimizdegi iri kompanııalardyń basshylary, sondaı-aq, Prezıdent Ákimshiligi men Premer-Mınıstr Keńsesiniń jaýapty qyzmetkerleri qatysty. Májiliste «QazMunaıGaz» UK» AQ-tyń basqarma tóraǵasy Saýat Myńbaev ótken jyly atqarylǵan jumystardyń qorytyndylary týraly baıandap, aǵymdaǵy jylǵa josparlanǵan jobalar men oryndalýǵa tıis mindetter týraly áńgimeledi. Tóraǵanyń sózine qaraǵanda, QazMunaıGazdyń kompanııalar toby ótken jyldyń jos­parlaryn negizinen artyǵymen oryndaǵan. Atap aıtqanda, qo­ry­tyndylarǵa zer salsaq, mu­naı men munaı kondensatyn ón­dirý kólemi 22,6 mln. tonnany qurap, burnaǵy jylmen salys­tyra qaraǵanda 6 paıyzǵa jýyq óskeni baıqalady. Al gaz óndirý 2,929 mlrd. tekshe metrge jetip, jalpy ósim 12 paıyzdy qurapty. Salada atqarylyp jatqan jumystardy saralaǵan tóraǵa atqarylar jumystar týraly aıtty. «QazMunaıGaz» kompanııasynyń burǵylaý jáne servıs salasyndaǵy barlyq jeke aktıvteri bazasynda «QMG drilling and service» birlesken kompanııasy qurylady. Ol bes kompanııany biriktiredi. Bul jumysty qysqa merzimde aıaqtaý qajet. Búginde bul kompanııalardyń tehnologııalyq deńgeıi ártúrli. Bizde servıs salasynda oılas­tyrylǵan jáne úılestirilgen saıa­sat joq. Degenmen, muny túzetý úshin jańa eshteńe oılap tabý kerek emes», dedi S.Myńbaev. Baıandamashy jumysshy-qyz­metkerlerdiń jalaqysy týraly da málimet bere ketti. «Bıylǵy jyly biz eńbekaqy tóleýdiń biryńǵaı júıesin engizýdi aıaqtaýdy jos­parlap otyrmyz. Sáýir aıynyń sońyna deıin barlaý jáne óndirý salasyndaǵy kompanııalarda jáne servıstik kásiporyndarda osy júıeni engizemiz. Jyldyń sońyna deıin biryńǵaı júıe ózge bıznes baǵyttar boıynsha, máselen, tasymaldaý, óńdeýmen aınalysatyn kompanııalarda jumys isteı bastaıdy», dep jalǵady ol sózin.   Osy arada kompanııa byltyr áleýmettik, demeýshilik jáne qaıy­rymdylyq sharalarǵa 23 mlrd. teńge jumsaǵanyn tilge tıek etti. Alqa májilisinde «Qaz­Mu­naı­Gaz» barlaý óndirý» AQ bas dırek­tory A.Nurseıitov, bas­qar­ma tóraǵa­synyń orynbasary D.Tıesov pen Q.Qabyldın sóz sóı­lep, saladaǵy ju­mystardyń ıne-jibin sabaqtap berdi. Baıandamashylardy muqııat tyń­­daǵan Úkimet basshysy «Qaz­Mu­naıGaz» UK» AQ-ta atqarylǵan ju­mys­tarǵa baǵa bere kelip, jyl qory­tyndysyna tolyq qanaǵat­tanǵanyn jetkizdi. Sóıtip, El­basy Nursultan Nazarbaevtyń «Qazaqstannyń mu­naı-gaz kesheni barlyq ekonomıka úshin kóshbasshy bolyp tabylady jáne basqa salalardyń damýyna yqpal etedi» degen sózin eske saldy. Memleket basshysynyń sa­laǵa júktep otyrǵan mindetterine toqtaldy. «Memleket basshysynyń tapsyrmasyna sáıkes kompanııa uıymdastyrýshylyq qurylymdy jetildirý jumystaryn qolǵa alyp otyr. Ol korporatıvtik basqarýdyń eń sońǵy zamanaýı halyqaralyq standarttary jaýap berýi tıis. Bul jumysty aıaqtaý qajet. Jalpy al­ǵanda negizgi jumys júrgizilgen. Kom­panııa jańa qurylym boıynsha ju­mys istep jatyr. Osy jyldyń shil­de aıyna deıin bul jumysty aıaqtaý kerek», dedi S.Ahmetov. Aıtqandaı-aq, Premer-Mınıstr májilis barysynda Halyqtyq IRO-ǵa da basa nazar aýdardy. Sebebi, ja­qyn ýaqytta «QazMunaıGaz» kompanııalarynyń Halyqtyq IRO-ǵa shyǵý máselesi qaralmaq eken. «Ame­rıkada árbir azamat tań atysymen gazet satyp alyp, óziniń aksııa­larynyń qanshalyqty óskenin nemese tómendegenin baqy­lap otyrady. Biz de bul deńgeı­ge jetýimiz qajet. Biz endi IRO-ǵa KEGOK sekildi bas­qa da kompanııalarymyzdyń shy­ǵýyn qarastyratyn bolamyz. «Qaz­Mu­naıGazda» da Halyqtyq IRO-ǵa shyǵýy tıis kompanııalar bar. Ony qarastyrýymyz kerek», dedi Úkimet basshysy. Son­daı-aq, Premer-Mınıstr sala­daǵy tehnıkalyq mamandardy daıyndaý sharasyn da termelep, sapaly kadr máselesin tezirek sheshý kerektigin alǵa tartty. Oǵan qosa, ınvestorlarǵa qarata, Qazaqstan shıkizatyn zamanaýı ozyq tehnologııalarǵa basqa-bas almasýǵa daıyn ekenin aıtty. Saladaǵy geologııalyq barlaý jumystaryna kóńil aýdarǵan Úkimet basshysy, Munaı jáne gaz mınıstrligimen birge salanyń ınves­tı­sııalyq tartymdylyǵyn arttyrý týraly usynys ázirleýdi tapsyrdy. Munymen qatar, ınno­va­sııalyq tehnologııalardy engizý kerektigin aıtty. Sóıtip, endi ońaı munaı dáýiri aıaqtalǵanyn eskertip, damyǵan elderdiń ozyq tájirıbelerin úırený kezek kút­tirmeıtin is ekenin tilge tıek etti. Oǵan qosa, Úkimet basshy­sy «QazMunaıGaz» ǵalamat joba­lar­dy iske asyra otyryp, álemniń je­tekshi munaı-gaz kom­pa­nııa­larynyń qataryna qosyla alatynyna senim bildirdi. Otandyq munaı-gaz kom­pa­nııa­­larynyń aldaǵy mindetterin bel­gilep bergen S.Ahmetov, ju­mys­ta­ryna tabys tiledi. Sóıtip, Mem­leket basshysynyń tapsyrmalary men aldyn ala jasalǵan joba-josparlar múltiksiz oryndalýy tıis ekenin aıtty. Nurbaı ELMURATOV, «Egemen Qazaqstan».