Osylaısha, konkýrstyń birinshi kezeńine ótken IT-jobalar, aýyl sharýashylyǵy, turmysqa qajet quraldar men tehnologııalar, mobıldi qosymsha, ekologııa, óndiristi avtomattandyrý, tamaq óndirisi sııaqty salalar boıynsha 63 bıznes-joba qaralyp, olardyń ishinen eń úzdik degen 19 jumys iriktelip alyndy.
Fınaldyq kezeńniń qorytyndysy boıynsha un men krahmaldan ydys jasaýdyń erekshe óndirisin oılap tapqan Qostanaı polıtehnıkalyq kolledjiniń stýdenti Karına Romah birinshi oryn men 500 myń teńgelik aqshalaı syılyqtyń sertıfıkatyn aldy. Jitiqara polıtehnıkalyq kolledjiniń stýdenti Ivan Bazarkın Bailanys.Conferencing atty beınekonferensııa ótkizýge arnalǵan jańa júıe usynyp, ekinshi orynǵa laıyq dep tanyldy. Júldeger 300 myń teńgeniń sertıfıkatyna ıe boldy. Al úshinshi oryn men 200 myń teńge aqshalaı syılyqqa ıe bolǵan A.Baıtursynuly atyndaǵy Qostanaı ýnıversıtetiniń túlegi Aqylbek Aralbaev Golden Wear qazaqstandyq brend kıimderiniń úlgisin kórsetti. Ismerdiń aıtýynsha, bul kıimderdi TMD elderine eksporttaýǵa bolady.
Al Qostanaı polıtehnıkalyq kolledjiniń oqytýshysy Erkebulan Tólegenov «Úmit kúttiretin joba» atalymy boıynsha jeńimpaz atandy. Smart mirror dep atalatyn basqarylatyn ınteraktıvti aına jasap shyqqan Erkebulan óz ónimderin Qostanaı ýnıversıteti Smart-ortalyǵynyń saýda alańyna bir jyl tegin ornalastyratyn bolady.
Qostanaı oblysy
