Is-shara memlekettik jáne quqyq qorǵaý organdary basshylarynyń, depýtattardyń, saıası partııalar, etnomádenı birlestikter men jurtshylyq ókilderiniń qatysýymen ótti.
M. Ahmetjanov óz sózinde ázirlenip jatqan 2022-2026 jyldarǵa arnalǵan QR Sybaılas jemqorlyqqa qarsy saıasatynyń Tujyrymdamasyna egjeı-tegjeıli toqtaldy.
Ol Tujyrymdamanyń novellalarynyń biri negizsiz baıý jáne shyǵystardyń kiristerden asyp ketýi úshin jaýapkershilikti engizý bolyp tabylatynyn atap ótti. Bul qarjylyq tekserýdi bastaý úshin sıgnal bolady.
«Búginde jańa talaptar boıynsha barlyq memlekettik organdarda jobalyq basqarý engizilýde. El damýynyń barlyq jalpyulttyq basymdyqtary endi osy qaǵıdattar arqyly iske asyrylatyn bolady. Sondyqtan, qazir barlyq memlekettik organdar úshin Ulttyq jobalardan basqa 6 negizgi mindetti jobalyq baǵyt anyqtaldy. Olardyń biri «Sybaılas jemqorlyqtyń aldyn alý jáne oǵan qarsy is-qımyl» bolyp tabylady. Sybaılas jemqorlyqqa qarsy barlyq bastamalar osy baǵyt aıasynda júzege asyrylatyn bolady», dep atap ótti M. Ahmetjanov.
Agenttik basshysynyń málimetinshe, 2019 jyldan bastap jyl saıyn 100-den astam sybaılas jemqorlyq qylmystary tirkeledi, 70-ten astam laýazymdy tulǵa qylmystyq jaýapkershilikke tartylady.
Sonymen qatar, otyrys barysynda osy jyldyń 10 aıyndaǵy óńirdegi sybaılas jemqorlyqqa qarsy is-qımyl jumystarynyń qorytyndylary qaraldy.
Is-shara sońynda qala basshysy M.Áıtenov sybaılas jemqorlyqtyń aldyn alý jáne oǵan qarsy is-qımyl boıynsha júrgizilip jatqan jumystar týraly habardar etip, birqatar tapsyrmalar berdi.
