«О́kinishke oraı, Aqmola oblysynyń Shortandy aýylynda gaz ballony jarylysy saldarynan zardap shekken 2009 jyly týǵan bala 20 qarasha kúni keshke qaıtys boldy.
Aıta keteıik, bala elordalyq aýrýhanaǵa óte aýyr jaǵdaıda jetkizilgen. Ol dereý reanımasııa bólimine jatqyzyldy, sebebi jaǵdaıy óte aýyr boldy. Deneniń termııalyq kúıigi 70 paıyz boldy. Sondaı-aq óte aýyr dárejedegi kúıik shogy da baıqaldy», dedi Nur-Sultan qalasy Densaýlyq saqtaý basqarmasynyń baspasóz qyzmetindegiler.
Vedomstvodan atap ótkendeı, barlyq júrgizilgen emdeý sharalaryna qaramastan, jansaqtaý bólimshesinde bolǵan naýqasty qutqarý múmkin bolmady.
«20 qarashada balanyń júregi toqtady. Jansaqtaý sharalar aıasynda júrek qyzmeti qalpyna kelmedi. Saǵat 21:00-de bıologııalyq ólim anyqtaldy. Biz balanyń týystary men jaqyndaryna qaıǵyryp kóńil aıtamyz», dep tolyqtyrdy vedomstvodan.
Vedomstvonyń málimetinshe, zardap shekken taǵy úsh balanyń biriniń jaǵdaıy aýyr.
«Úsh balanyń biriniń denesi 60 paıyz kúıik alǵan, jaǵdaıy óte aýyr jansaqtaý bólimshesinde jatyr. О́tken aptada taǵy ekeýi beıindi bólimshege aýystyryldy, onda barlyq qajetti em alyp, dárigerlerdiń baqylaýynda bolady. Balalardyń jaǵdaıy turaqty, dınamıkada nasharlaýsyz», túıindedi Nur-Sultan qalasy Densaýlyq saqtaý basqarmasynyń baspasóz qyzmetindegiler.
Aıta keteıik, 16 qarasha kúni Aqmola oblysynyń Shortandy kentinde gaz ballony jarylyp, 3 adam kóz jumdy, taǵy on adam aýrýhanaǵa tústi. Oqys oqıǵa túngi saǵat 22:00 shamasynda Shortandy kentinde Lıneınaıa kóshesindegi úsh páterli barak úıde boldy. Jarylystan keıin 3 páter órtenip, onyń bir bóligi qulady.
