Oblystyq oblysynyń Bas memlekettik sanıtarııalyq dárigeri Nurbek Nyshanovtyń málimetinshe, revaksınasııa 60 jastan asqan adamdarǵa da júrgiziledi.
«Vaksına salǵannan keıin aǵzada shamamen úsh apta ótkende koronavırýsqa qarsy ımmýnıtet paıda bolady. Antıdene vırýsty anyqtap, onymen kúresý qabiletine ıe bolady. Alaıda, ýaqyt ótken saıyn aǵzadaǵy antıdeneniń mólsheri azaıyp, vırýsqa qarsy qorǵanys nasharlaıdy. Munyń aldyn alý úshin taǵy ekpe alý kerek.
Vaksına alý - aýrý aǵymynyń jeńil ótýine yqpal etip, ólim sanyn azaıtýǵa múmkindik beredi. Dúnıejúzilik densaýlyq saqtaý uıymy revaksınasııany kem degende jarty jyldan soń saldyrý kerektigin málimdedi», dedi Nurbek Sadyqbekuly.
Qazirgi tańda oblysta vaksına qabyldaýǵa jatatyn azamattardyń 97 paıyzy alǵashqy komponentin, 92 paıyzy ekinshi komponentin qabyldaǵan. Aqpan aıynan bastap jalpy 1 031 870 doza vaksına jetkizilgen. Onyń 46 800-i «Pfizer» ekpesi. Qazirgi tańda, 9 886 turǵyn osy ekpeni qabyldaǵan.
