Búgin Senattyń jalpy otyrysynda senator Murat Baqtııaruly sán-saltanatty zattarǵa arnaıy salyq salý máselesin kóterdi.
«2019 jyly Prezıdent óz Joldaýynda «Jalpy ishki ónim men halyq tabysynyń artýyna qaramastan, qoǵamda múliktik jiktelý úderisi saqtalyp otyr. Bul - alańdatarlyq faktor. Sondyqtan oǵan erekshe nazar aýdarý kerek» degen bolatyn. Osyǵan baılanysty halyqaralyq tájirıbede kóptegen elde bar, sán-saltanatqa arnaıy salyq engizý óte ózekti másele dep esepteımin. Bul jerde qymbat elıtaly jyljymaıtyn múlikter, ushaqtar, ıahtalar, qymbat avtoóklikter, zergerlik buıymdar sııaqty sán-saltanatty zattarǵa arnaıy salyq salýdyń ádiletti júıesin qalyptastyrady dep oılaımyn. Bul turǵyda tıisti vedomstvonyń kózqarasy qandaı», dep surady senator.
О́z kezeginde vıse-mınıstr M. Sultanǵazıev bul másele qarastyrylyp jatqanyn aıtty. «Oǵan salyqty biz qarastyryp jatyrmyz. Osy oraıda bıznespen talqylaý jumystary júrip jatyr. Kelesi jyly Úkimettiń jobasymen engiziletin bolady», dedi Marat Sultanǵazıev.
