8 jyl buryn qurylǵan konferensııa el táýelsizdiginiń 30 jyldyǵyn merekeleý qarsańynda Almaty qalasynda ótpek. Is-sharaǵa Máskeý, Tel-Avıv pen Sıngapýrdegi jergilikti onlaın-stýdııalardyń spıkerleri qosylady. О́tken jyly gıbrıdti (oflaın jáne onlaın) formattaótkizilgen konferensııaǵa 14000-nan astam adam qatysty. Memlekettik bilim berý uıymdarynyń ókilderi úshin qatysý ádettegideı tegin bolady.
Konferensııa baǵdarlamasy bes bólimnen turady: erte balalyq shaq, 21 ǵasyr mektebi, sıfrly ýnıversıtet, korporatıvti oqytý jáne EdTech.
2021 jyldyń basty taqyryby – «Jańa bilim berý tájirıbesin jobalaý» (Learning experience design). 25 elden kelgen 300-den astam spıkerler 150 saraptamalyq sessııa, paneldik pikirtalas jáne sheberlik synyptaryn ótkizedi. Olar pedagogıkalyq dızaın salasyndaǵy ozyq tájirıbelerimen bólisedi, biregeı ıdeıalar men jańalyqtardy keń aýdıtorııaǵa jetkizý úshin bilim berý salasynyń bolashaǵy men jańa tehnologııalardyń, oqytý salasyndaǵy ǵylymı jetistikterdiń áserin talqylaıtyn bolady:
• Palo-Alto orta mektebindegi medıaóner baǵdarlamasynyń negizin qalaýshy, «Tabysty adamdy qalaı tárbıeleý kerek» álemdik bestselleriniń avtory, Google keńesshisi, úsh qyzdyń anasy (olardyń ekeýi Youtube jáne 23 and Me jeke genomıka kompanııalarynyń bas dırektorlary, al úshinshisi – tanymal pedıatr-dáriger) Ester Voıdjıskı balany kishkentaı kezinen jetistikke qalaı jeteleýge bolatyndyǵy týraly keńes beredi. Ol óziniń pedagogıkalyq tásilin beske bólip qarastyrady: óz-ózine sený, óz-ózin qurmetteý, derbestik, yntymaqtastyq, aqjúrektik.
• Nıý-Iork ýnıversıtetiniń neırondyq ǵylymdar jáne psıhologııa professory, «Mıǵa ǵashyq bolǵan qyz» bestselleriniń avtory, álemge áıgili neırobıolog, «Ońtaıly mazasyzdyq» kitabynyń avtory Vendı Sýzýkı jaǵymsyz emosııalardyń kúshti jaqtaryn qalaı qoldaný kerektigin talqylaıdy jáne mazasyz sezimderdi qalaı ónimdilikke ózgertýge bolatyndyǵyn túsindiredi. Sonymen qatar, tamaqtaný men fızıkalyq belsendilik, jas pen jynystyq qatynas, áleýmettik jeli men tehnologııalardyń mıdyń jumysyna qalaı áser etetinin talqylaıdy.
• Bilim berý salasyndaǵy álemge áıgili sarapshy, Garvard ýnıversıteti janyndaǵy ınnovasııalyq bilim berý baǵdarlamalary ortalyǵynyń ǵylymı qyzmetkeri, «Innovatorlardy jasaý: álemdi ózgertetin jastardy qalaı tárbıeleý kerek» bestselleriniń avtory, «Tabysqa jetelengender» jáne «Fınlıandııa fenomeni: álemdegi eń ǵajaıyp mektep júıesi» atty tanymal derekti fılmderdiń avtory Tonı Vagnerınnovatorlar býynyn qalaı tárbıeleý kerektigin aıtyp beredi. 2021 jyly ol Better World Ed atty dúnıejúzilik áleýmettik-emosıonaldy damý bastamasy jáne oqý josparyna qosyldy.
• LX Design pıoneri, «bilim berý tájirıbesin jobalaý» termıniniń avtory, LXD Canvas konferensııasynyń baǵdarlamalyq dırektory Nıls Flora sandyq bilim berý salasy úshin onyń máni men mańyzdylyǵyn ashady.
Konferensııanyń baǵdarlamalyq dırektory jáne «MISıS» ǴZTÝ ortalyǵynyń dırektory Nýrlan Kııasovtyń aıtýynsha, EdCrunch maqsaty tıimdi oqytý arqyly árkimge ózin-ózi damytýǵa qoldaý kórsetý bolyp tabylady: «Biz muǵalimder men saıasatkerlerden bastap, kórnekti zertteýshiler men baǵdarlamashylarǵa deıingi álemniń úzdik sarapshylaryn biregeı ıdeıalary men jańalyqtaryn keń aýdıtorııaǵa jetkizýge shaqyramyz. Eń keremet ıdeıalar ýnıversıtet qabyrǵasymen, synyp aıasymen nemese kitapsórelerimen ǵana shektelip qalmaýy kerek. Olardy qoldap, bólisip, talqylap jáne qabyldaý men damytý qajet. Investorlar men quryltaıshylar, saıasatkerlr men fılantroptar, oqytýshylar, stýdentter jáne bilim berý tájirıbesine qyzyǵýshylyq tanytqandar EdCrunch Glocal-da bolýy kerek».
Konferensııa qorytyndysy boıynsha qatysýshylar ártúrli salalarda praktıkalyq tájirıbe alyp, kelesi suraqtarǵa jaýap taba alady: mektep jasyna deıingi balalarǵa arnalǵan erte damý ádistemesin qalaı tańdaý kerek, olardyń alýan túrliliginde qalaı shatasyp ketpeýge bolady; sandyq tehnologııalardy baǵyndyrý joldary men gadjetterdi balalar qabiletteriniń akseleratoryna aınaldyrý; EdTech kompanııalarynyń sapany joǵaltpastan bıznesti masshtabtaýy; mektep jasyna deıingi balalardan bastap,úzdiksiz bilim deńgeıine deıingi jobalarǵa ınvestısııa tartý jáne olardy ártúrli bilim berý júıelerine tıimdi engizý joldary.
Sondaı-aq spıkerler kelesi taqyryptardy talqylaıtyn bolady: daýystyq kómekshilerden bastap, jasandy ıntellektke deıingi bilim berýdegi jańa tehnologııalardyń áleýeti; postkovıdtik kezeńdegi mektep biliminiń revolıýsııalyq formattary; neırobıologııany maksımaldy tıimdiliktiń negizi retinde qarastyrý; medıa, oıyn-saýyq, sport salalaryndaǵy bilim berý keńesteri men EdTech-tegi jahandyq jáne jergilikti trendter.
EdCrunch Glocal sharasynyń uıymdastyrýshylary Qazaqstan Respýblıkasy Bilim jáne ǵylym mınıstrliginiń qoldaýymen Almaty qalasynyń ákimdigi, Nazarbaev Zııatkerlik mektepteri. Bas seriktester – «Altyn Qyran Foundation» Qoǵamdyq qory, «Almatykitap baspasy» jáne «Sábı» Qaıyrymdylyq qory.
EdCrunch konferensııasy alǵash ret 2014 jyly Máskeýde «MISıS» UZTÝ-dyń qoldaýymen ótti. Hedlaıneri Coursera negizin qalaýshy Dafna Koller boldy. Is-sharaǵa 1 500 adam qatysty. Birinshi konferensııanyń kún tártibi sıfrlyq tehnologııalar men joǵary bilim berýdegi jańa tásilderge basa nazar aýdardy. Kelesi jyldary EdCrunch bilim berýdiń basqa da deńgeılerin (mektepke deıingi, mektep, joǵary, korporatıvti jáne EdTech startaptaryna arnalǵan baǵytta) aýqymdy qamtydy. Búginde Konferensııa aralas formatta: kózbe-kóz jáne álemniń birneshe eliniń onlaın-stýdııalarynyń qosylýymen ótedi.
EdCrunch ınteraktıvti platformasy
Pandemııa jaǵdaıynda arnaıy ázirlengen EdCrunch ınteraktıvti platformasy sessııalardy parallel arnalarda qaraýǵa, jeke yńǵaıly kesteni qurastyrýǵa, tıisti sessııalardyń usynymdaryn jáne paıdalanýshynyń profılindegi aqparat negizinde qatysýshylar baılanysyn alýǵa múmkindik beredi.
Barlyq qatysýshylar spıkerlerge sóıleý kezinde jáne odan keıin suraqtar qoıa alady, basqa paıdalanýshylarmen jeke jáne ortaq chattarda hat almasyp, EdTech ónimderimen jáne olardyń ázirleýshilerimen EdCrunch Expo vırtýaldy kórmesi arqyly tanysa alady. Platformada belsendilik tanytqany úshin qatysýshylar upaı jınap syılyqtar utyp ala alady.
