Memleket basshysy Qasym-Jomart Toqaevtyń X Azamattyq forýmyna arnalǵan quttyqtaýyn QR Prezıdenti Ákimshiligi basshysynyń birinshi orynbasary Dáýren Abaev oqydy.
«Azamattyq qoǵam qurý biz úshin negizgi basymdyqtyń biri. Elbasynyń bastamasymen 2003 jyldan beri turaqty ótkizilip kele jatqan forým osynyń aıqyn dáleli. Dıalogtyń osy úlgisi kóptegen máseleni talqylap usynys ázirleıtin tıimdi pikirtalas alańyna aınaldy.
Forým Azamattyq bastamalardy qoldaý úshin júıeli sharalar qabyldaýǵa septigin tıgizýde. Sondaı-aq strategııalyq jáne zańnamalyq qujattar daıyndaýǵa yqpal etýde. Byltyr meniń jarlyǵymmen «Azamattyq qoǵamdy damytý tujyrymdamasy» bekitildi. Bul qujat bılik organdary men qoǵamdyq uıymdardyń seriktestigin kúsheıtýdi kózdeıdi. Oǵan qosa turǵyndardyń eldik isterge erkin aralasýyna múmkindik beredi», dedi Prezıdent quttyqtaý hatynda.
Aýyldaǵy azamattyq belsendilikti damytý týraly «Qatonqaraǵaı aýdanynyń turaqty damýy» qoǵamdyq qorynyń dırektory Serik Júnisov aıtyp berdi.
Eske sala keteıik, Prezıdent Qazaqstan halqyna Joldaýynda aýyldyq jerlerdegi azamattyq bastamalardy qoldaýdyń tıimdi tásilderin ázirleý qajettigin atap ótti. Otyrys moderatory, Aqparat jáne qoǵamdyq damý mınıstri Aıda Balaeva halqynyń 47%-y aýylda ómir súretin memleket úshin bul bastamanyń strategııalyq mańyzy zor ekendigin atap ótti. «Bul elimizdegi azamattyq bastamalardy qoldaýdyń jańa kezeńi», dedi A.Balaeva.
«Sana-Sezim» áıelder bastamalary quqyqtyq ortalyǵynyń jetekshisi Hasanova Shahnoz adam quqyqtaryn qamtamasyz etý boıynsha sharalardy ilgeriletý týraly óz pikirimen bólisti.
Bul sala Qasym-Jomart Toqaevtyń el halqyna Joldaýynda belgilengen taǵy bir strategııalyq baǵyt ekeni málim.
Sh.Hasanova balalar men analardyń, qarttardyń, erekshe qajettilikteri bar adamdardyń, qul saýdasy qurbandarynyń quqyqtary men múddelerin, sondaı-aq azamattardyń saıası jáne áleýmettik quqyqtaryn qamtamasyz etý máselelerin qozǵady.
О́z kezeginde mınıstr A.Balaeva bıylǵy 10 maýsymda Prezıdent «Adam quqyqtary salasyndaǵy birinshi kezektegi sharalar josparyna» qol qoıǵanyn eske saldy.
«Bul memleket pen Prezıdenttiń: qazaqstandyqtardyń quqyqtary men bostandyqtaryn qorǵaýdy qamtamasyz etý salasyndaǵy eleýli ózgeristerge daıyn ekendigin kórsetedi», dedi A.Balaeva.
Azamattyq qoǵamdy damytý qaýymdastyǵynyń atqarýshy dırektory Djamılıa Asanova halyqaralyq mıssııalardyń azamattyq bastamalardy damytýǵa qosqan úlesi týraly aıtyp berdi.
Osyǵan baılanysty Eýropadaǵy qaýipsizdik jáne yntymaqtastyq uıymynyń az ulttar isteri jónindegi Joǵarǵy komıssary Qaırat Ábdirahmanovtyń arnaıy quttyqtaý haty mańyzdy boldy.
«Qazaqstannyń basty baılyǵy – halqy men onyń birligi. Azamattyq forýmnyń Qazaqstan halqynyń bereke-birligin, yntymaǵyn jáne jalpy beıbitshilik pen turaqtylyqqa negizdelgen saıasatyn álemge nasıhattap otyrǵany qýantady. Azamattyq forým óz ózektiligin tanytyp, halyq pen bılik arasyndaǵy baılanysty nyǵaıtýshy alańǵa aınalǵany anyq», dep jazylǵan Az ulttar isteri jónindegi Joǵarǵy komıssary Qaırat Ábdirahmanovtyń hatynda.
Birikken Ulttar Uıymy Bas hatshysynyń keńesshisi Mırıana Spolıarıch Eggerdiń Forým delegattaryna arnalǵan beıne-quttyqtaý sózi de mańyzdy boldy. Halyqaralyq dıplomat qatysýshylardy quttyqtap, Qazaqstannyń Azamattyq forýmyna qoldaý bildirdi.
Inklıýzııa máseleleri «Shyraq» múgedektigi bar áıelder qaýymdastyǵy» qoǵam birlestiginiń basshysy Qaltaeva Lázzat sózinde aıtyldy. Ol densaýlyǵynyń múmkindikteri shekteýli adamdardyń qoǵamdaǵy damýy, qoǵamnyń bundaı adamdarǵa degen kózqarasy, sondaı-aq eshqandaı bógetsiz azamattyq qoǵam qurý qajettiligi týraly aıtyp berdi.
«EKO Mańǵystaý» basshysy Kırıll Osın óz sózinde qorshaǵan ortany qorǵaý men ekologııanyń mańyzdy máselelerin kóterdi. Esterińizge sala keteıik, Memleket Basshysy Qasym-Jomart Toqaev bul máselege birneshe ret nazar aýdaryp, belsendi is-qımyl jasaýǵa shaqyrdy.
Azamattyq forýmnyń plenarlyq otyrysynyń qorytyndy bóliminde azamattyq qoǵamnyń qazirgi jaǵdaıy, jetistikteri men odan ári damý perspektıvalary týraly Qazaqstannyń Azamattyq Alıansynyń prezıdenti Nurǵazıeva Baný aıtyp berdi.
Plenarlyq otyrystan keıin dástúrli «ÚEU-ǵa arnalǵan syılyǵy» saltanatty túrde tabys etildi.
Sonymen qatar alǵash ret 15 nomınasııa boıynsha 10 jyldan astam jumys tájirıbesi bar ÚEU arasynda «Tańdaý» syılyǵy tabystaldy.
Esterińizge sala keteıik, mereıtoılyq H Azamattyq Forým Astanada 22-24 qarashada onlaın-formatta bastalyp, Almatyda 2021 jylǵy 26 qarashada oflaın-formatta aıaqtalady.
Forým aıasynda 30-dan astam pikirtalas alańdary, saraptamalyq talqylaýlar, fasılıtasııalyq jáne paneldik sessııalar uıymdastyryldy.
X Azamattyq forýmda Qazaqstan Táýelsizdiginiń 30 jyldyǵy aıasynda búgingi kúnniń eń ózekti taqyryptary talqylandy. Forým azamattyq qoǵamnyń 100-den astam jetekshi ókilderi qatysqan gıbrıdti is-sharalar arqyly 20.000-ǵa jýyq adamdy qamtydy.
