Jyl saıyn ótetin kıno merekesiniń negizgi maqsaty – Eýropa men Azııanyń jas kınematografısteri arasynda yntymaqtastyq ornatý, olardyń jumysyn qoldaý jáne ilgeriletý, túrli janrdaǵy kınofılmderdi túsirýge qyzyǵýshylyǵyn arttyrý. Pandemııa kezindegi qıyndyqqa qaramastan, halyqaralyq iri jobany júzege asyrýdaǵy sabaqtastyqty úzip almaı, qazylar alqasyn shaqyryp, úmitkerlerdiń týyndysyn sarapqa salý uıymdastyrýshylar tarapynan qajyrly eńbekti talap etti.
Bıylǵy halyqaralyq qazylar alqasyna belgili reseılik akter, rejısser, ssenarıst, Kann jáne Shanhaı festıvalderiniń qatysýshysy, Nıka jáne TEFI syılyqtarynyń ıegeri Iýrıı Bykov jetekshilik etedi. Sondaı-aq qazylar quramynda «Bosfor» Stambýl kınofestıvaliniń kórkemdik jetekshisi Emra Kylıch, qazaqstandyq rejısser ári prodıýser Rústem Ábidrashov, DocPoint, Camerimage, San Sebastian Film Festival sekildi iri halyqaralyq kınofestıvalderdiń qatysýshysy, Belarýs rejısseri Hanna Mıronenko, kınosynshy, «2 morrow», «Kraı sveta. Vostok», «Poslanıe k cheloveký» (Sankt-Peterbýrg) kınofestıvalderiniń baǵdarlamalyq dırektory Alekseı Medvedev bar.
Jastar shyǵarmashylyǵyna arnalǵan kıno merekesin Almaty qalasy ákimdiginiń, Ulttyq kınony qoldaý memlekettik ortalyǵynyń jáne Sháken Aımanov atyndaǵy «Qazaqfılm» kınostýdııasynyń, T.Júrgenov atyndaǵy qazaq ulttyq óner akademııasynyń qoldaýymen Tanaris Production kınokompanııasy uıymdastyrady.
Kınofestıvaldiń uıymdastyrýshylary men qazylar alqasynyń qatysýymen ótken baspasóz máslıhatynda alǵashqy betashar sózdi alǵan «Bastaý» kınofestıvaliniń prezıdenti, Tanaris Production kınokompanııasynyń jetekshisi Sergeı Ázimov bıylǵy qatysýshy jastar sany ótken jyldarmen salystyrǵanda, tórt-bes esege kóp ekenin atap ótti.
–Bıyl kelip túsken 1500-den asa jumysty qatań saraptaýdan ótkizip, tek 250 fılmdi irikteýge jiberdik. Bizdiń festıvalimiz shyǵarmashylyqpen aınalysatyn jastarǵa bastaý bolatyn, tájirıbe almasýǵa jáne jas kınogerlerge óz jobalaryn keńinen nasıhattaýǵa, ónerdegi yntymaqtastyqqa jol ashatyn kásibı alań. Sondyqtan da bul alań daryndy jastarymyzǵa festıvaldiń qonaqtarynan – kıno óndirisiniń túrli salasyndaǵy kásibı mamandar men sarapshylardan úırenýge taptyrmas múmkindik syılaıdy. Jalpy festıvaldiń basty ereksheligi – shyǵarmashylyq erkindik. Baıqaýdaǵy jumystarǵa halyqaralyq qazylar alqasymen qosa, stýdent jastardan quralǵan tóreshiler de baǵa beredi. Festıvaldiń nátıjesinde ulttyq kınorejıssýradaǵy jańa tolqynnyń qarymy baıqalmaq,– dedi.
Belarýs elinen kelgen Hanna Mıronenko: «VGIK-te oqyp júrgenimde, ustazymyz: Sender ár jańa fılmdi talqylap, súıegine deıin shaǵyp, jiliktep, taldaǵan kezde, árıne, maman kózimen qaraısyńdar. Biraq fılmge, ondaǵy oqıǵa men keıipkerge mı men bas arqyly qaraý jetkiliksiz, jan men júrekti de iske qosyńdar. Kásibı maman bolǵan jaqsy, biraq óz júrekterińdegi kórermendi óltirmeńder» deıtin edi. Men de «Bastaý» festıvalindegi ár fılmdi jan-júregimmen kórýge keldim» dedi.
«Bastaýdyń» konkýrstyq baǵdarlamasy 3 bólimnen turady: tolyqmetrajdy fılmder baıqaýy – Bastau DEBUTS, qysqametrajdy fılmder baıqaýy – Bastau SHORTS jáne derekti fılmder baıqaýy – Bastau DOCS.
Stýdenttik jáne debıýttik qysqametrajdy kórkem jáne anımasııalyq fılmder baıqaýynyń qazylar alqasyn ssenarıst, rejısser, BAFTA Student Film Award júldesiniń ıegeri jáne Berlinale Talents qatysýshysy Tatıana Fedorovskaıa (Reseı) basqarady. Qazylar alqasynyń quramynda qazaqstandyq anımasııalyq fılmderdiń rejısseri, «Ulttyq kınony qoldaý memlekettik ortalyǵy» Bas prodıýseri Adaı Ábeldınov, tájik podıýseri, kınorejısser Iskandar Ýsmonov, reseılik teatr jáne kıno akteri, rejısser Ilıa Glınnıkov jáne Qyrǵyz Respýblıkasynan kelgen kınematografıst, Azııa – Tynyq muhıty aımaǵy kınoakademııasynyń múshesi (APSA) Dastan Japarýýlý bar.
Festıvaldiń ashylý saltanaty Abaı atyndaǵy qazaq ulttyq Opera jáne balet teatrynda ótedi. «Bastaý» Dáýren Qamshybaevtyń baıqaýdan tys kórsetiletin debıýttik kartınasy «Zeremen» ashylady.
