Jańa ortalyqta tirek-qımyl apparaty buzylǵan jáne psıhonevrologııalyq aýytqýy bar 18 jasqa deıingi balalarǵa tolyq stasıonarlyq jaǵdaıda áleýmettik, turmystyq, medısınalyq, psıhologııalyq, pedagogıkalyq, eńbek, mádenı, ekonomıkalyq, quqyqtyq qyzmet kórsetiledi.
Ortalyqtyń ashylý saltanatyna B.Narymbetov bastaǵan máslıhat depýtattary jáne Abaı aýdanynyń ákimi B.Parmanov qatysty.
«Áleýmettik jáne zaıyrly qoǵamnyń basty mindeti – erekshe jaǵdaıdaǵy azamattar men balalarǵa qoldaý kórsetý. Osyǵan oraı búgin múgedek balalardy ońaltý ortalyǵynyń jańa ǵımaratyn paıdalanýǵa berip otyrmyz. Munda erekshe jaǵdaıdaǵy balalardy qoǵamǵa áleýmettik beıimdeý jáne ońaltý jumystary júrgiziledi. Ortalyqta stasıonar jaǵdaıda 40-qa jýyq balaǵa qyzmet kórsetedi», dedi qalalyq jumyspen qamtý jáne áleýmettik qorǵaý basqarmasynyń basshysy B.Narbekova.
Medısınalyq-áleýmettik mekeme em-sharalyq, sporttyq jáne ózge de qyzmet kórsetetin bólmelermen jabdyqtalǵan. Jańa ortalyq Samal-3 shaǵyn aýdany № 928/1 mekenjaıynda ornalasqan.
Aıta ketsek, qalalyq jumyspen qamtý jáne áleýmettik qorǵaý basqarmasyna qarasty 8 arnaýly áleýmettik ortalyqtar bar. Onda bıyl 2 094 adam ońaltý sharalarymen qamtylýda. Onyń ishinde: stasıonar jaǵdaıda – 835 azamat, jartylaı stasıonar jaǵdaıda – 312 azamat, úıde qyzmet kórsetý jaǵdaıynda – 718 azamat.
