О́ner • 01 Jeltoqsan, 2021

Almatyda «Bastaý» IX Halyqaralyq kınofestıvaliniń ashylý saltanaty ótti

41 ret kórsetildi

30 qarashada, Almatyda «Bastaý» IX Halyqaralyq stýdenttik jáne debıýttik fılmder kınofestıvaliniń ashylýy ótti. Resmı ashylý rásimi Abaı atyndaǵy Qazaq ulttyq opera jáne balet teatrynda ótti, dep jazady Egemen.kz.

Ashylý saltanatyna Almaty qalasy ákimdiginiń ókilderi, T.Q.Júrgenov atyndaǵy QazUО́A rektorynyń m.a. Sháripbek Ámirbekov, kıno juldyzdary Murat Bısenbın, Adına Bajan, Olga Landına jáne taǵy basqalar qatysty. 

«Meniń janym, meniń júregim shynaıy qýanysh pen festıvaldiń sátti ótetinine degen úmitke toly. Biz bul festıvaldi óte asyǵys daıyndadyq. Onyń jetistiginiń kepili - eń aldymen bizdiń dostarymyz. Bizdi shyn júrekten qoldaǵan azamattardyń barlyǵyna úlken rahmet»,  dedi «Bastaý» HKF-niń prezıdenti Sergeı Ázimov.

Sondaı-aq, saltanatty keshte pandemııa kezinde qaıtys bolǵan barlyq kınematografıster eske alyndy. Sonyń ishinde, tiri kezinde «Bastaý» HKF qazylar alqasynyń quramyna kirgen Farhat Ábdiraıymovty «Qazaqstandyq kınematografqa qosqan úlesi úshin» erekshe syılyǵymen marapattady. Marapatty alýǵa sahnaǵa akterdiń jubaıy Vıktorııa, uldary Asan jáne Temirlan shyqty.

Festıval Dáýren Qamshybaevtyń «Zere» debıýttik kartınasymen ashyldy. Buǵan deıin fılm Brazılııadaǵy São Paulo International Film Festival 45-shi Halyqaralyq kınofestıvaline qatysqan. Kartınany qonaqtarǵa rejısserdiń ózi tanystyrdy.

Kınofestıvaldiń qazylar alqasyn reseılik rejısser, prodıýser, ssenarıst jáne akter Iýrıı Bykov basqarady. Sonymen birge festıvaldiń qazylar alqasynyń quramyna Trentodaǵy (Italııa) kınofestıvaldiń kórkemdik jetekshisi Andrea Morgen, qazaqstandyq rejısser, ssenarıst jáne prodıýser Rústem Ábdirashev, Stambýldaǵy «Bosfor» kınofestıvaliniń kórkemdik jetekshisi Emra Kylıch jáne qazaqstandyq aktrısa, prodıýser, QR eńbek sińirgen qaıratkeri Venera Nıgmatýllına, MHKF irikteý komıssııasynyń múshesi, 2morrow, «Kraı sveta. Vostok» (Sahalın) ı «Poslanıe k cheloveký» (Sankt-Petebýrg) festıvalderiniń uıymdastyrýshysy – Alekseı Medvedev, BAFTA Student Film Award júldesiniń ıegeri jáne Berlinale talents qatysýshysy Tatıana Fedorovskaıa, «Ulttyq kınony qoldaý memlekettik ortalyǵy» bas prodıýseri Adaı Ábeldınov, tájik prodıýseri, kınorejısser, ssenarıst, Dýshanbedegi balalar kınosynyń eksperımenttik mektebiniń jetekshisi - Iskandar Ýsmonov, reseılik teatr jáne kıno akteri, rejısser, ssenarıst – Ilıa Glınnıkov jáne taǵy basqalar bar.

«Qysqa metr - kınematograftyń eń kúrdeli túri. Sebebi bes, on, jıyrma mınýtta siz ózińizdiń josparyńyzdy, oıyńyzdy kórsetýińiz kerek. Al eń mańyzdysy jáne eń qıyny – osyndaı qysqa ýaqyt ishinde kórermendi óz keıipkerińizge ǵashyq etý», dedi BAFTA Student Film Award syılyǵynyń ıegeri Tatıana Fedorovskaıa. Sondaı-aq, Fedorovskaıa Gran-prı alatyn fılm jáne qazylar alqasyna unaǵan taǵy bir jobany BAFTA Students Academy-na usyna alatyndyǵyn atap ótti.

Aldyńǵy festıvalderdegideı, «Bastaý» konkýrstyq baǵdarlamasy tolyq metrajdy kórkem fılmder - BASTAU DEBUTS jáne qysqa metrajdy fılmder - Bastau SHORTS, sondaı - aq BASTAU DOCS - derekti jumystardan turady.

Jyl saıynǵy osy kıno merekesin QR Mádenıet jáne sport mınıstrliginiń, Almaty qalasy ákimdiginiń, T.Júrgenov atyndaǵy Qazaq ulttyq óner akademııasynyń, Turan Ýnıversıtetiniń, Ulttyq kınony qoldaý memlekettik ortalyǵynyń jáne Sh.Aımanov atyndaǵy «Qazaqfılm» kınostýdııasynyń qoldaýymen «Tanaris Production» jáne A Team kınokompanııalary uıymdastyrady.

Kórsetilimderge kirý – tegin. «Bastaý» IX Halyqaralyq stýdenttik jáne debıýttik fılmder kınofestıvaliniń kestesin –  https://bastauiff.com/  saıtynan kóre alasyzdar.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar