Jekpe-jek • 02 Jeltoqsan, 2021

Jalǵas qarsylasyn jazalaýǵa daıyn

190 ret kórsetildi

Qazaqstandyq aralas jekpe-jek sheberi, UFC jaýyngeri Jalǵas Jumaǵulov «Ýshataıka: Sport-Ekspress» ıýtýb arnasyna suhbat berip, aldaǵy jekpe-jegine qatysty oıymen bólisti, dep habarlaıdy Egemen.kz.

Buǵan deıin aýzyna kelgendi ottaǵan Manel Kapeniń bos sózderine qatysty qazaq oǵlany óz pikirin erkin jetkizdi. 

«Onyń Borat degen áńgimeleri bos sóz. Ondaı fılm bizdiń elde túsirilgen emes. Qazaqtyń tarıhy tereńde jatyr. Ol kimge qarsy segiz buryshqa shyǵatynyn biledi. Sondyqtan qazirden «janyp» júr. Men bul shaıqasty qysqa merzimdi habarlamadan keıin qabyl aldym. Ondaı qadamǵa jáı barmaımyn, daıyn bolǵan soń táýekelge bel býdym. Kapeniń bar áreketi meni yzalandyrý ekeni túsinikti. Onysynan túk shyqpaıdy. Men óte salqynqandymyn. Jekpe-jekke shyǵamyn da, óz jumysymdy isteımin.

Esi durys adam Borat degen áńgimeniń bári bylshyl ekenin biledi. Ol ózi kezdesýden keıin keshirim surap qolyn usynsa ǵana qol beremin. Al ózim onyń qolyn qyspaımyn», dedi qazaq sportshysy.

Esterińizge sala keteıik, Jalǵas Jumaǵulov pen angolalyq Manel Kape arasyndaǵy jekpe-jek besinshi jeltoqsan kúni ótedi.

Sońǵy jańalyqtar

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar