Prezıdent • 03 Jeltoqsan, 2021

Memleket basshysy halyqaralyq kompanııalardyń ókilderimen kezdesti

90 ret kórsetildi

Qazaqstan Prezıdenti Qasym-Jomart Toqaev Aqorda rezıdensııasynda shet memleketterdiń iri ınvestısııalyq kompanııalary ókilderimen kezdesti, dep habarlaıdy Egemen.kz Aqordaǵa silteme jasap.

Jıynda Memleket basshysy sheteldik ınvestısııalar Qazaqstan damýynyń negizgi faktorlarynyń birine aınalǵanyn, sondyqtan elimiz ınvestısııalyq ahýaldy jaqsartýǵa erekshe kóńil bóletinin atap ótti.

– Bul saladaǵy júıeli ári jan-jaqty jumystar bizdi Ortalyq Azııadaǵy eń iri, postkeńestik keńistikte jyldam damyp kele jatqan ekonomıkalardyń birine aınaldyrdy. Táýelsizdik jyldary shetelden 370 mıllıard dollardan astam tikeleı ınvestısııa tarttyq. Memleket ınvestorlardy barlyq jaǵynan qoldaýǵa basymdyq beredi. Biz árbir ınvestordy jeke ári keshendi qoldaý qaǵıdatyn engizdik, – dedi Qasym-Jomart Toqaev.

Prezıdent tikeleı ózi tóraǵalyq etetin Sheteldik ınvestorlar keńesiniń ınvestorlarmen ózara yqpaldasý úshin negizgi alań ekenin atap ótti. Naqty sektorǵa tikeleı ınvestısııa tartýdan bólek qundy qaǵazdar naryǵyn damytý men sheteldik portfeldi ınvestorlardy elge ákelýge erekshe kóńil bólinip keledi. Memleket basshysy Qazaqstannyń aımaqtaǵy iri kapıtal naryǵyn qurap otyrǵanyn jetkizdi.

– Ulttyq bank negizgi qarjylyq retteýshi retinde qor naryqtaryn odan ári damytý jolynda belsendi jumys istep jatyr. Qazaqstanda bul salanyń quqyqtyq jáne ınfraqurylymdyq baǵyty jetildirilgen. Elimizde eki qor bırjasy – Almatydaǵy KASE jáne Astana halyqaralyq qarjy ortalyǵy tabysty qyzmet atqaryp keledi, – dedi Memleket basshysy.

Prezıdenttiń aıtýynsha, álemdegi jetekshi ýran óndirýshi «Qazatomónerkásip» kásiporyny men qarjy tehnologııasy boıynsha aımaqtaǵy kóshbasshy Kaspi.kz IPO-lary kapıtal naryǵynyń dınamıkasyn arttyryp, ilgerileýine úles qosty.

Qasym-Jomart Toqaev qazir elimizde jekeshelendirý boıynsha aýqymdy jumystar atqarylyp jatqanyn aıtty.

– Qazirgi ýaqytta Qazaqstan ekonomıkasynyń túrli salasynda, atap aıtqanda munaı-gaz, energetıka, ınfraqurylymda 700-den astam memlekettik kásiporyndy jekeshelendirý úshin aýqymdy jumystar júrgizilýde. Biz iri kompanııalardyń aksııalarynyń ulttyq qor bırjalarynda tirkelgenin qup kóremiz, – dedi Memleket basshysy.

Prezıdent búgingi kezdesý qazaqstandyq kapıtal naryqtaryna sheteldik ınvestısııalardy kóptep tartý týraly pikir almasýǵa tamasha múmkindik beretinin aıtty. Sonymen qatar Qasym-Jomart Toqaev osyndaı keleli jıyndy turaqty túrde ótkizýdiń mańyzdy ekenin atap ótti.

Jıynda «Blackrock», «Luxor Capital», «Lugard Road Capital», «Aberdeen Asset Management», «Capital Group», «Sands Capital», «Alameda Research & FTX», «Kingsway Capital» kompanııalarynyń jetekshileri sóz sóıledi.

Sońǵy jańalyqtar

Bas báıge – 5 mıllıon teńge

Sport • Búgin, 07:50

Qazaqstan – 4-sebette

Sport • Búgin, 07:49

Jerlesterimiz jeńiske jetti

Tennıs • Búgin, 07:47

Aǵaıyndylar áspettegen qundylyq

Aımaqtar • Búgin, 07:45

Egizder sherýi

Qoǵam • Búgin, 07:43

Eskendir esimi estiletin aspap

Tanym • Búgin, 07:41

Ustazdarǵa qyzmettik páter berildi

Qoǵam • Búgin, 07:36

Tolǵan ortanyń tolǵamy

Qoǵam • Búgin, 07:35

Neobank ne bank?

Qarjy • Búgin, 07:33

Agrarlyq ǵylymnyń jańa kezeńi

Pikir • Búgin, 07:32

Jaýapkershilik júktegen Joldaý

Pikir • Búgin, 07:30

Qarjynyń qaıtarymy bola ma?

Saıasat • Búgin, 07:28

Kandıdattyń shyǵyny óteledi

Saıasat • Búgin, 07:27

Birligimizge syzat túspesin

Qazaqstan • Búgin, 07:25

Saıası doda bastaldy

Saıasat • Keshe

Aýdanǵa sabylmaıtyn boldy

Aımaqtar • Keshe

Immýn tapshylyǵy alańdatady

Medısına • Keshe

Kináli men kinásiz

Rýhanııat • Keshe

Parasat maıdany

Ádebıet • Keshe

Oń qol oısyratqan taǵdyr

Ádebıet • Keshe

Kııaký ólgen kún...

Ádebıet • Keshe

Gamarjoba, Grýzııa!

Sport • Keshe

Taldyqorǵannyń tól merekesi

Aımaqtar • Keshe

Uqsas jańalyqtar