«Álbette, men álem chempıony ataǵyna talasqym keledi. Bul – meniń basty maqsatym. Álemniń absolıýtti chempıony ataný – arman. Sondyqtan da Djordj Kambosospen qolǵap túıistirgim keledi. Ony ýaqytynda kóre jatarmyz. Al qazir meniń bar oıym – 11 jeltoqsan kúni ótetin jekpe-jekpen baılanysty. Shaıqasqa tas túıin daıynmyn. Osy kezdesýden keıin basqa taqyryp tóńireginde áńgime aıta alamyz.
Shynymdy aıtsam, Djordj Kambosos pen Teofımo Lopes arasyndaǵy shaıqas ótkenge deıin Teonyń jeńetinine senimdi boldym. Alaıda avstralııalyq boksshy óziniń myqty ekenin kórsetti. Boks sonysymen de qyzyq. Ázirge ózimniń qaı deńgeıdegi boksshy ekenimdi aıtqym kelmeıdi. Ol týraly jankúıerler men bokstan habary bar adamdardyń aıtqany durys. Alaıda men árbir jekpe-jekte ózimniń barlyq sheberligimdi kórsetýge kúsh salamyn», dedi Vasılıı Lomachenko.
Vasılıı Lomachenko 11 jeltoqsan kúni Rıchard Kommımen judyryqtasady. Bul shaıqastan keıin ol birneshe tujyrym boıynsha Kambososqa mindetti qarsylas atanady dep kútilýde. Soǵan qaraǵanda avstralııalyq boksshy Vasılııden qashyp qutyla almaıtyn sııaqty.
