Ekonomıka • 04 Jeltoqsan, 2021

Shavkat Mırzıeıov: Qazaqstan men О́zbekstan ekonomıkasy birin-biri tolyqtyrady

70 ret kórsetildi

О́zbekstan Prezıdenti Shavkat Mırzııoev «Egemen Qazaqstan» gazetine bergen suhbatynda aldaǵy sapardan kútiletin nátıje men eki el arasyndaǵy tabysty ekonomıkalyq qarym-qatynasqa yqpal etken mehanızmder men quraldardy atady, dep habarlaıdy Egemen.kz.

Qazaqstan men О́zbekstan ortaq tarıh, mádenıet, dástúr biriktiretin ǵasyrlar boıy dostyǵy jalǵasqan baýyrlas el. Shavkat Mırzııoev osy tarıhı úrdis pen ekonomıkalyq qatynasty nyǵaıtý maqsatynda eki el de ózara árekettesýge asa yntaly ekenin aıtty.

«Árıne bul joly Qazaqstan Prezıdenti ekeýmiz ekijaqty jáne óńirlik kún tárti­bindegi kóptegen ózekti máseleni qarastyryp, ózbek-qazaq qarym-qatynastaryn jańa, budan da joǵary deńgeıge shyǵarý úshin praktıkalyq qadam­dar jasaýdy josparlap otyrmyz. Sapardyń kún tártibinde saıası dıalogty odan ári tereńdetý, yntymaqtastyqty keńeıtý, onyń ishinde eki eldiń óńirleri arasyndaǵy saýda-ekonomıkalyq, ınvestısııalyq jáne basqa da túrli salalarda birlesken jobalardy júzege asyrý, mádenı-gýmanıtarlyq sala­lardaǵy yn­ty­maqtastyqty jáne týrıstik baı­lanystardy jandandyrý, ásirese pan­demııa saldaryn eńserý máseleleri qam­tylǵan.

Eki el azamattarynyń bilim jáne densaýlyq saqtaý sala­lar­yndaǵy ynty­maqtastyǵyn arttyrý, ózara barys-kelisterine qolaıly jaǵdaı jasaý sharalary qarastyrylýda. Sonymen qatar ortaq syn-qaterler men qa­terlerge qarsy kúreste árip­tes­tikti nyǵaıtý máseleleri boıynsha mańyzdy qujattar qabyldanady», dedi ol.

Qazaq-ózbek qatynasynda barlyq salada tabysty yntymaqtastyq oń jolǵa qoıylǵan. О́zbekstan Prezıdenti mundaı nátıjege jetýde Qazaqstan men О́zbekstan ekonomıkasy birin-biri tolyqtyratynyn aıryqsha atady.

«Bizdiń elderimizdiń áleýeti ónimderdi ózara jetkizýdiń nomenklatýrasy men kólemin aıtarlyqtaı keńeıtý úshin jetkilikti suranysqa ıe. Máselen, bıylǵy jyldyń basynan beri taýar aınalymy 40 paıyzǵa derlik artyp, jyl sońyna deıin 4 mıllıard dollarǵa jetedi dep kútilýde – bul bizdiń saýda qarym-qatynastarymyz úshin rekordtyq kórsetkish. Biraq bul shekti meje emes. Ekonomıkalardyń áleýeti bizge bolashaqta 10 mıllıardtyq maqsatty batyl qoıýǵa múmkindik beredi.

О́nerkásiptik kooperasııa sa­la­syndaǵy jobalar sátti júzege asyrylýda. Atap aıt­qanda, Qostanaıda Qazaqstandaǵy saty­lym boıyn­sha jetekshi oryndarǵa kóte­rilgen avtomobılder, son­daı-aq avtobýs­tar men aýylsha­rýa­shylyq mashınalaryn birle­sip shyǵarý jolǵa qoıylǵan. Túr­kistan men Shymkentte zamanaýı toqy­ma kásiporyndary iske qo­sylyp, tur­mys­tyq tehnıkalar shy­ǵarylýda. Al mundaı mysaldar óte kóp», dedi Shavkat Mırzııoev.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar