Úkimet • 04 Jeltoqsan, 2021

Asqar Mamın sheteldik ınvestorlarmen kezdesý ótkizdi

84 ret kórsetildi

QR Premer-Mınıstri Asqar Mamın «Astana» halyqaralyq qarjy ortalyǵynyń alańynda iri sheteldik ınvestorlar – «Blackrock», «Capital Group», «Aberdeen Asset Management», «Sands Capital», «Luxor Capital» jáne «Lugard Road Capital» ókilderimen kezdesti, dep habarlaıdy Egemen.kz QR Premer-Mınıstriniń Baspasóz qyzmetine silteme jasap. 

Kezdesýde Qazaqstannyń ınvestısııalyq múmkindikteri jáne el men aımaqta shetel kapıtalyn keńeıtý perspektıvalary talqylandy. «Astana» halyqaralyq qarjy ortalyǵynyń óńirge qajetti biregeı ınfraqurylymyna erekshe nazar aýdaryldy.

Úkimet basshysy ekonomıkanyń senimdi qalpyna kelý serpini aıasynda Qazaqstannyń ınvestısııalyq tartymdylyǵynyń artyp kele jatqanyn atap ótti.

Bıylǵy on aıdyń qorytyndysy boıynsha JIО́ ósimi 3,5%-ǵa deıin jedeldedi. Qalpyna kelýdiń neǵurlym joǵary qarqynyna qurylysta (+7,6%), óńdeý ónerkásibinde (+5,3%) jáne qyzmet kórsetý salasynda (+3,4%) qol jetkizildi.

Ekonomıkanyń belsendi qalpyna kelýi aıasynda tikeleı sheteldik ınvestısııalar aǵynynyń ósýi baıqalady. Máselen, 2021 jyldyń I jartyjyldyǵynyń qorytyndysy boıynsha QR ekonomıkasyna salynǵan TShI kólemi 30,4%-ǵa ulǵaıdy jáne $11,1 mlrd qurady. Bıylǵy jyldyń 10 aıynda qarjy sektoryna salynǵan ınvestısııalar kólemi 12,1%-ǵa ósti.

Sheteldik kompanııalardyń ókilderi sheteldik ınvestorlar úshin jaǵymdy sıgnaldardyń biri 2020 jyly London qor bırjasy (LSE) men AIX-tegi Kaspi.kz tabysty IPO-sy bolǵanyn atap ótti. Bul rette, ózekti jahandyq trendterdi eskere otyryp, sheteldik kapıtaldyń ESG-qaǵıdattaryn engizýge jáne dekarbonızasııalaýǵa baǵdarlanǵany erekshe atap ótildi.

Sondaı-aq QR memlekettik aktıvterin jekeshelendirý baǵdarlamasyn iske asyrý perspektıvalary qaraldy.

Kezdesýge Eýropanyń damýshy naryqtary bóliminiń jetekshisi jáne «Blackrock» kompanııasynyń aǵa portfeldik menedjeri Krıs Kolýnga, «Capital Group» kompanııasynyń aǵa portfeldik menedjeri Artýr Keı, «Aberdeen Asset Management» kompanııasynyń jetekshi portfeldik menedjeri Adam Montanaro, «Sands Capital» kompanııasynyń portfeldik menedjeri Tıdja Boıe, «Luxor Capital» kompanııasynyń prezıdenti Dýglas Snaıder jáne «Lugard Road Capital» kompanııasynyń basqarýshy seriktesi Dýglas Frıdman qatysty.

Qazaqstan tarapynan kelissózderge Strategııalyq josparlaý jáne reformalar agenttiginiń tóraǵasy – AHQO basqarýshysy Qaırat Kelimbetov, energetıka mınıstri Maǵzum Myrzaǵalıev, sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, «Samuryq-Qazyna» AQ basqarma tóraǵasy Almasadam Sátqalıev jáne t. b. qatysty.

Sońǵy jańalyqtar

Almaty ortalyǵynda ǵımarat órtendi

Aımaqtar • Búgin, 21:54

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar