Qoǵam • 07 Jeltoqsan, 2021

Senatta otbasylyq qundylyqtardyń ózekti máseleleri talqylandy

89 ret kórsetildi

QR Parlamenti Senatynyń depýtaty Murat Baqtııarulynyń tóraǵalyq etýimen «Qazaqstandyq otbasy: ult negizi» taqyryby boıynsha dóńgelek ústel otyrysy boldy, dep jazady Egemen.kz.

Áleýmettik-mádenı damý jáne ǵylym komıtetiniń hatshysy Narıman Tóraǵalıev Senatta bıylǵy naýryz aıynda otbasy ınstıtýtyn nyǵaıtý máseleleri boıynsha parlamenttik tyńdaý ótkenin aıta kelip, onyń qorytyndysy boıynsha osy saladaǵy jaǵdaıdy jaqsartýdy kózdeıtin usynymdar memlekettik organdarǵa berilgenin atap ótti. Ol sonymen qatar Ulttyq qoǵamdyq senim keńesiniń VI otyrysynda el Prezıdenti Qasym-Jomart Toqaevtyń analar men balalarǵa, jastarǵa qajetti jaǵdaı jasaý, sondaı-aq turmystyq zorlyq-zombylyqtyń aldyn alý tetikterin ázirleý jóninde sharalar qabyldaýdy tapsyrǵanyn eske saldy.

Senator Dınar Nóketaeva da osyndaı ustanymǵa qoldaý bildirdi. Ol óz sózinde memlekettik otbasylyq saıasattyń basty mindeti – otbasyn qoldaý, nyǵaıtý, qorǵaý jáne dástúrli qundylyqtardy saqtaýǵa baǵyttalýy tıis ekenin atap ótti.

«Otbasynyń negizgi qaǵıdalary otbasyndaǵy tárbıe barysynda qalyptasatyny anyq. Búgingi tańda otbasy ınstıtýtynyń quldyraýyna, qundylyqtardyń ózgerýine áleýmettik jelilerdiń, buqaralyq aqparat quraldarynyń, jalpy ınternet mazmunynyń áseri óte qatty bolýda. Osy resýrstardy paıdalana otyryp tıisti aýdıtorııalardy otbasylyq jáne ulttyq qundylyqtarǵa baı mazmunmen qamtamasyz etýimiz mańyzdy dep paıymdaımyn», dedi Dınar Nóketaeva.

Senator sonymen qatar televızııa habarlary mazmunynyń sapasyna da toqtaldy. Dınar Nóketaeva otandyq anımasııa ónimderi kórermendi qyzyqtyra qoımaıtynyn, sebebi sapasy men tartymdylyǵy tómen ekenin atap ótti. Senator osyǵan baılanysty máselege salalyq mınıstrliktiń nazar aýdarǵany jón ekenin aıta kelip, jaǵdaıdy jaqsartý jóninde jospar ázirleýdi surady.

Aqparat jáne qoǵamdyq damý mınıstri Aıda Balaeva, ishki ister mınıstriniń orynbasary Marat Qojahmetov jáne t.b. baıandama jasady. Sondaı-aq dóńgelek ústel jumysyna memlekettik organdardyń ókilderi, Senat janyndaǵy Jas sarapshylar klýbynyń, sondaı-aq qoǵamdyq uıymdardyń músheleri de qatysty.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar