Qoǵam • 07 Jeltoqsan, 2021

Elordada erekshe qajettiligi bar jandar úshin jumys oryndary ulǵaıdy

81 ret kórsetildi

Múgedektigi bar azamattardy jumysqa ornalastyrý – ońaltýdyń eń jaqsy tásili. Nur-Sultan qalasynda múmkindigi shekteýli jandardyń jumysqa ornalasýyna baǵyttalǵan jeńildikter júıesi qarastyrylǵan. Nur-Sultanda jyl basynan beri osy sanattaǵy 600-den astam jumyspen qamtamasyz etildi. Bul týraly qala ákimdiginiń resmı saıty habarlady, dep jazady Egemen.kz.

Qazaqstan zańnamasyna sáıkes ár azamattyń eńbek etýge quqyly. Onyń ishinde múmkindigi shekteýli jandar da bar. I-II top sanatyndaǵylar medısınalyq komıssııadan ruqsat alýy kerek. Sebebi jumysqa ornalasqanda múgedektigi bar adam deni saý adammen teń sanalady. Jumys isteıtin múgedekterdiń eńbek quqyǵyn júzege asyrýǵa, qaýipsiz jumys isteýge qolaıly jaǵdaı jasaý, jumysqa ornalasýǵa baǵyttalǵan jeńildikter júıesi qarastyrylǵan.

1

Múgedektigi bar azamattardy jumysqa ornalastyrý – ońaltýdyń eń jaqsy tásili. Ol materıaldyq táýelsizdikti, jáne eń mańyzdysy – qoǵamda óz ornyn tabýdy kózdeıdi», delingen Halyqty jumyspen qamtý ortalyǵynyń habarlamasynda.

Jyl basynan beri 649 múgedektigi bar azamat Halyqty jumyspen qamtý ortalyǵynyń kómegine júgindi. 644-i jumysqa ornalasty. Onyń ishinde 302-si turaqty jumysqa turdy. Atap aıtqanda, «Jumyspen qamtýdyń jol kartasy» boıynsha – 2, «Jastar praktıkasy» arqyly –14, «Áleýmettik jumys oryndary» arqyly – 19, «Qoǵamdyq jumystar» – 284, «Alǵashqy jumys orny» jobasy aıasynda 4 adam jumys isteıdi.

1

1

Eńbek naryǵynda suranysqa ıe kásip meńgergisi keletin jumyssyz azamattar úshin uıymdastyrylatyn qysqa merzimdi kásiptik oqý kýrstaryna bıyl múgedektigi bar 8 adam jiberildi.

«Eńbek» Nátıjeli jumyspen qamtý jáne jappaı kásipkerlikti damytýǵa arnalǵan baǵdarlama aıasynda jańa bıznes ıdeıalardy iske asyrý úshin halyqtyń áleýmettik osal top ókilderine memlekettik grant beriledi. Nur-Sultan qalasy boıynsha múmkindigi shekteýli 11 azamat grant alyp jeke kásip ashty.

Qazir, qyzmet salalaryn avtomattandyrýǵa baılanysty múgedekterge arnalǵan jumys túrleriniń tizimi keńeıdi. Múgedektigi bar adamdarǵa usynylatyn kásipter men mamandyqtardyń atlasy» ázirlendi. Onda 16 myńnan astam jumys bar.

1

Halyqty jumyspen qamtý ortalyǵy jumys berýshilermen birlese múmkindigi shekteýli jandardy jumysqa ornalastyrý úshin arnaıy jumys oryndaryn qurýdy uıymdastyrady. Múgedekterdi jumyspen qamtýǵa arnalǵan arnaıy jumys oryndary – múgedektigi bar azamattyń jeke múmkindikterin eskere otyryp jabdyqtalǵan jumys oryndary.

Arnaıy jumys oryndaryn qurý kezinde jabdyqty alý jáne montajdaý jumystaryna ketken shyǵyndar jumys berýshilerge memlekettik bıýdjetten sýbsıdııalaý arqyly beriledi.

1

Áleýmettik osal top sanatyndaǵy azamattardy jumysqa ornalastyrý boıynsha qosymsha aqparatty baılanys tel.-75-93-41, 95-44-23; uıaly tel.:+7 775 902 73 53; +7 705 318 9792 nomerleri boıynsha bilýge bolady. Mekenjaıy: «Nur-Sultan qalasy ákimdiginiń Halyqty jumyspen qamtý ortalyǵy» KMM, Beıbitshilik kóshesi-25, «О́rken» Bıznes ortalyǵy.

2

Sońǵy jańalyqtar

Uqsas jańalyqtar