Álem • 08 Jeltoqsan, 2021

Aýstralııa Beıjiń Olımpıadasyna dıplomatııalyq boıkot jarııalady

643 ret

kórsetildi

1 mın

oqý úshin

Aýstralııa 2022 jyly Beıjińde ótetin qysqy Olımpıada oıyndaryna AQSh jarııalaǵan dıplomatııalyq boıkotqa qosylady, dep habarlaıdy Egemen.kz.

Gaýhar QAPASh

Aýstralııa Beıjiń Olımpıadasyna dıplomatııalyq boıkot jarııalady

Bul týraly The Sydney Morning Herald saıty jazady.

Aýstralııa premer-mınıstri Skott Morrıson Sıdneıdegi baspasóz máslıhatynda Aýstralııa atynan resmı ókilder qysqy Olımpıada oıyndaryna qatyspaıtynyn túsindirdi. Sonymen qatar, el namysyn qorǵaıtyn quramasy basynda josparlanǵandaı sporttyq is-sharaǵa qatysady.

Morrısonnyń aıtýynsha, boıkot týraly sheshimdi úkimet Shyńjań-Uıǵyr avtonomııalyq aýdanyndaǵy boljamdy adam quqyqtarynyń buzylýyna, sondaı-aq, Qytaıdyń Aýstralııanyń ishki isterine aralasýyna qatysty birqatar basqa máselelerge baılanysty qabyldaǵan. Sondaı-aq, Beıjińniń Aýstralııaǵa qarsy saýda sanksııalaryna da nazar aýdardy.

Eske salaıyq, 6 jeltoqsanda AQSh Beıjińdegi 2022 jylǵy Olımpıadaǵa dıplomatııalyq boıkot jarııalady, bul resmı tulǵalardyń oıyndarǵa barýdan bas tartýyn bildiredi. AQSh-tan keıin Jańa Zelandııa bıligi XXIV qysqy Olımpıada oıyndaryna qatysýdan bas tartty.