Qazir mamandar nysandy synaqtan ótkizip jatyr. Bul týraly «Qazsýshar» RMK ókilderi atalǵan óńirge issaparǵa barǵanda belgili boldy.
Sheńbertal men Janys bı aýyly qaladan 360 shaqyrym jerde ornalasqan. Shalǵaıdaǵy aýylda aýyzsý máselesi buryn ózekti bolsa, qazir túbegeıli sheshildi. О́ıtkeni ekologııa mınıstrliginiń Sý resýrstar komıteti áleýmettik mańyzy bar tyń jobany júzege asyrdy. «Qazsýshar» RMK Aqtóbe fılıaly dırektory orynbasarynyń sózinshe qazir nysandy kommýnaldyq menshikke ótkizý úshin qujattar rásimdelip jatyr.
«Qazirgi tańda osy joba boıynsha qurylys jumystary bitti. Búgin aıaqtalǵan nysandy tájirıbe júzinde iske qostyq. Kelesi jyldyń memlekettik komıssııanyń oń qorytyndysymen Yrǵyz aýdandyq ákimdigine kommýnaldyq menshigi retinde tapsyrylady. Sodan keıin aýyz sýǵa tarıf bekitilip, tolyqtaı paıdalanýǵa beriledi. Osylaısha atalǵan eki aýylda aýyzsý máselesi túgeldeı sheshiledi», dedi «Qazsýshar» RMK Aqtóbe fılıaly dırektorynyń orynbasary Ádiljan Álizaq.
Jańa nysannyń qurylysy aıaqtalǵanyna aýyl turǵyndary dán rıza. Janys bı aýylynyń baıyrǵy turǵyny Saıytbek Tólegenniń aıtýynsha osy ýaqytqa deıin aýyl turǵyndary aýyz sýdy qudyqtan alǵan. Sol sebepten buryn qıyndyqtar bolǵanyn aıtady.
«Bizderde endi aýyzsý máselesi aýyldyq jerde qıyn boldy. Toptyq sý qubyry ashylyp, sý berileıin dep jatyr degendi estip qýanyp jatyrmyz, máz bolyp jatyrmyz. Barsha halyqtyń atynan alǵysymdy aıtamyn, qýanyshtymyz», deıdi aýyl turǵyny Saıytbek Tólegen.
Aıta ketý qajet, joba «Qazsýshar» RMK-nyń tehnıkalyq jetekshiligimen júzege asty. Sý qubyrynyń uzyndyǵy 42,349 shaqyrymdy quraıdy. Qubyrdyń sý ótkizý qabileti táýligine 4 495,92 tekshe metr. Aıaqtalǵan joba myń úsh júzden astam turǵyny bar Janys bı men Sheńbertal aýlyn sapaly aýyzsýmen qamtamasyz etedi.
