Qoǵam • 09 Jeltoqsan, 2021

Erekshe jandarǵa qamqor aıryqsha shahar

61 ret kórsetildi

Elbasynyń erekshe týyndysy sanalatyn búgingi elorda salamatty ult qalyptastyrýdyń sony soqpaǵyna tústi. Ásirese erekshe jandardyń em-domyna, olardy ońaltý jumysyna basa mán berilip keledi. Múmkindigi shekteýliniń múmkindigin shektemeıtin shahardaǵy basty maqsat – qoǵamnyń qamqorlyǵy men jan jylýyn tarata bilý bolyp otyr. Esesine, aıryqsha qamqorlyqty qajet etetin qala turǵyndary sharapaty mol istiń shapaǵatyn sezinedi.

Búginde Nur-Sultan qala­syn­da ońaltý ortalyq­ta­rynyń jelisi aıtarlyqtaı keńeıtildi. Elorda ákimdigi erekshe qajet­ti­lik­t­eri bar azamattardy ońaltý úshin jaǵdaı jasaý jumystaryn júıeli negizde júrgizip jatyr. «Erekshe qajettilikteri bar aza­mat­tardy áleýmettendirý jáne ońaltý úshin jaǵdaı jasaý­ǵa erek­she nazar aýdaramyz. Mysa­ly, bıyl jazda kórý qa­bi­leti buzylǵan balalarǵa arnalǵan mamandandyrylǵan balabaqsha ashyldy (Kenesary kóshesi, 9/1, Saryarqa aýdany). Balabaqshada pedagogtermen qatar medısına qyzmetkerleri de balalarmen aınalysady. Mekemede fızıoterapııa, logoped-defektolog, oftalmolog jáne taǵy bas­qa kabınetter bar», dedi Nur-Sultan qalasynyń ákimi Altaı Kól­ginov.

Shahar aýmaǵynda 29 «Úıdegi dáriger» nysany ashyldy. Jańa úılerdiń birinshi qabattarynda «qadamdyq qoljetimdilik» qa­ǵı­daty boıynsha balalarǵa ar­­nalǵan shaǵyn ortalyqtar, ońaltý ortalyqtary, balabaq­sha­lar, medısınalyq ortalyqtar ashy­lady. Buǵan qosa, byltyr elordada BSP, aýtızm, daýn sındromy jáne taǵy basqa dıag­­­nozdary bar balalardy ońal­­týmen aınalysatyn bir­qa­tar iri ońaltý ortalyqtary halyqqa qyzmet kórsete bastady.

№1 kópbeıindi qalalyq balalar aýrýhanasynyń bazasynda bir jyldan beri «Qam­qor­lyq» ońaltý ortalyǵy ju­mys isteıdi. Bul ortalyq neı­ro-ortopedııalyq aýrýlary, onyń ishinde serebraldy sal aýrýy bar balalardy ońal­tý­­­dyń álemdik jáne otan­dyq eń ozyq ádisterin jınaq­taý­ǵa arnalǵan. Aıta ketý qajet, osy ońaltý ortalyǵy Qazaqstan Res­­pýblıkasynyń Tuńǵysh Prezıdenti – Elbasy Nursultan Nazarbaev Qory men «Samuryq-Qazyna» AQ arasynda qol qo­ıyl­ǵan memorandým aıasynda qyzmet kórsete bastady. Bul ortalyq qoljetimdi ońaltýdy damytýdyń ozyq úlgisi sanalady. Sebebi osy ortalyqta neıro-ortopedııalyq aýrýlary bar, sonyń ishinde serebraldy sal aýrýy bar balalardy ońaltýdyń álemdik úzdik ádistemeleri men zamanaýı tásilderi qoldanylady. Kishkentaı naýqastardy emdeý kezinde mamandar kópsalaly tásilge júginedi. Dárigerler aýrýdyń ereksheligin eskere oty­ryp, ár balany qalpyna kel­ti­rýdiń jeke baǵdarlamasyn ázirleıdi. Tipti biregeı medı­sı­nalyq jabdyqtar sanalatyn kostıýmder, jattyǵý quraldary, jaıaý júrý daǵdylary jáne tirek-qımyl apparaty aýrý­lary kezinde omyrtqa men býyn­­dardyń qımylyn qalpyna kel­ti­retin qurylǵylar qolda­ny­lady. Buǵan qosa, emdik-dene shynyqtyrý (EDSh), fızıoterapııa, jaryqpen emdeý, sý massajy, logoped, psıholog, defektologpen kúndelikti jeke sabaqtar qarastyrylǵan. Osy arqyly jyl saıyn 600-ge jýyq balany qosymsha tegin medısınalyq kó­mekpen qamtýǵa múmkindik paıda boldy.

Mine, erekshe jandardyń ómirlik muń-muqtajyn elep-eskergen el astanasynda osyndaı ıgi ister atqarylyp jatyr.

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar