«Búginde agenttik 2021 jyldyń 11 aıyndaǵy qorytyndy boıynsha, respýblıkada 1576 sybaılas jemqorlyq qylmysyn tirkedi. Sybaılas jemqorlyq jasaǵan 1280 adam áshkerelendi, onyń 159-y ártúrli dárejedegi basshylar. Memleket bıýdjetine 20 mıllıard teńgeden asa zalal óteldi», delingen habarlamada.
Agenttik tóraǵasy para berý derekteri týraly aıtty.
«Eger 2015 jyly Para berý baby (QK 367-baby) boıynsha derekterdi tirkeý barlyq qylmystyń 10 paıyzy bolsa (2733 jylǵy 274), 2021 jyly bul kórsetkish onyń úshten birin quraıdy (1576 jylǵy 564)», dedi Marat Ahmetjanov.
Onyń aıtýynsha, adamdar sybaılas jemqorlyqqa qarsy qyzmetke júginbeı, sheneýnikterdi paraǵa satyp alýǵa sanaly túrde barady. Vedomstvo málimetinshe, para túrli ruqsat alý, memlekettik satyp alýlarda jeńiske jetý, kedendik rásimdeý jáne t.b. úshin berilgen.
