Álem • 09 Jeltoqsan, 2021

Malıdegi jarylystan BUU-nyń jeti bitimgeri qaza tapty

31 ret kórsetildi

Malı ortalyǵyndaǵy jolda jarylys bolyp, BUU bitimgershilik mıssııasynyń keminde jeti múshesi qaza tapty, dep habarlaıdy Egemen.kz.

Oqıǵa logıstıkalyq tizbek Moptı aımaǵynyń Bandıagara aýmaǵyndaǵy qalalar arasynda kele jatqan kezde bolǵan. Keıingi aılarda bul aımaqta ekstremıstik belsendilik kúsheıgen.

«Alǵashqy derekter boıynsha, qaza tapqandar sany jeteý boldy, úsheýi aýyr jaraqat aldy», dep jazdy BUU-nyń Sahel aımaǵyndaǵy mıssııasy MINÝSMA Twitter-de.

MINÝSMA-da shamamen 16 500 adam, onyń ishinde 60-tan asa elden 10 700 áskerı qyzmetshi bar. BUU bul mıssııa basqalarǵa qaraǵanda kóp shyǵynǵa ushyrady dep málimdedi, ár kezeńdegi shabýyldar kezinde 150-den asa múshesi qaza bolǵan.

Birikken Ulttar Uıymynyń bas hatshysy Antonıý Gýterrısh jasalǵan shabýyldy qatań aıyptady jáne Malı bıligin shabýyl jasaǵandardy dereý jaýapqa tartý úshin olardy anyqtaýǵa bar kúsh-jigerin aıamaýǵa shaqyrdy, dep habarlady Reuters.

«Ol Malı bıligin osy shabýyldardyń kinálilerin tez arada jaýapqa tartý úshin olardy anyqtaýǵa bar kúsh-jigerin aıamaýǵa shaqyrady», dedi Stefan Dıýjarrık BUU basshysynyń sózin keltire otyryp.

2013 jyly Malıde qurylǵan MINUSMA BUU mıssııasy BUU-nyń álemdegi eń qaýipti bitimgershilik mıssııasy sanalady.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar