Bilim • 10 Jeltoqsan, 2021

«Bolashaq» – Qazaqstan brendi

332 ret kórsetildi

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «Táýelsizdik taǵylymy» maqalasynda óziniń tól jobasy «Bolashaq» baǵdarlamasyn atap ótti. Osyǵan oraı «Bolashaq» baǵdarlamasynyń túlegi ári baǵdarlama ákimshisi, Halyqaralyq baǵdarlamalar ortalyǵynyń prezıdenti retinde máni zor maqalaǵa óz únimdi qosýdy paryz sanadym.

Qazaqstannyń ǵana emes, álem­niń bilim brendine aı­nalǵan «Bolashaq» halyq­aralyq stıpendııasy sonaý 1993 jylǵy 5 qarashada Elbasy­nyń tarıhı qaýlysymen bastaý aldy. Táýelsizdik tabal­dyry­ǵymyzdan attaǵan 90-jyldar elimizdiń áli de buǵanasy qata qoıma­ǵan kezi edi. El damýyndaǵy sheshýshi ári qıyn kezeńderdiń birinde jastardy álemniń úzdik ýnıversıtetterine jiberý úshin Elbasynyń stra­tegııalyq sheshimi kerek boldy. Ekonomıka quldyrap, tip­ti bıýdjet qyzmetkerlerine jalaqy taýyp bere almaı otyrǵan tusta el damýy úshin  zamanaýı kadrlardyń kerektigin túsingen N.Á.Nazarbaev shuǵyl sheshim qabyldady. Elbasynyń sol taǵdyrly sheshimi búginde óz jemisin berip otyr. Elbasynyń erekshe ıdeıasy elimiz­degi adam kapıtalyn damytýǵa yqpal etken eń sátti jobalardyń biregeıine aınaldy.

Atalǵan maqalasynda N.Á.Nazar­baev «Jahandyq jańa trendterdiń qatarynda bolý úshin biz «Bolashaq» baǵ­dar­lamasyn jasap, jastarymyzdy álemniń eń úzdik ýnıversıtetterin­de oqyttyq. Al qarajat jetkilik­siz bolǵan ótken ǵasyrdyń 90-jyldary biz stýdentterdiń oqý aqysyn, júrip-turýy men kúnkórisin tólep berdik. Osy ýaqytqa deıin el ıgiligi úshin 15 myńnan astam maman daıarlandy. Olar óz Otanynyń qamqorlyǵyn sezi­nip, elge qyzmet etip, biz­diń úmitimizdi aqtaıdy dep senemin», deıdi.

Elbasy atap ótkendeı, álemniń úzdik oqý oryndarynda oqyǵan «Bola­shaq» túlekteri qoǵamnyń ár salasynda: densaýlyq saqtaý, bilim berý, memlekettik qyzmet, mádenıet, ǵylym jáne tehnıka, aýyl sharýashylyǵy, óndiris, IT jáne ınnovasııalar, bıznes startap jobalarda – barlyq jerde ólsheýsiz úlesterin qosyp jatyr.

Baǵdarlama tıimdiligine jasal­ǵan zertteýge sáıkes, tek bir jyldyń ishinde 545 dáriger túlegimiz 213 myń kúrdeliligi ártúrli operasııa jasady, al 842 pedagog-oqytýshy túlegimiz 145 myń mektep oqýshysy men stýdentin oqytty. Professor ataǵy bar 150 túlek myńnan astam ǵylymı maqalasyn álemniń aldyńǵy qatardaǵy ǵylymı basylymdarynda jarııalady. О́ner salasyndaǵy sanaýly túlek 5 myń konsert uıymdastyrdy, sonymen qatar 100 myńnan asa joǵary synyptaǵy mektep oqýshysyna tálimger boldy. Bul tek túlekterdiń bir shoǵyry bir kúntizbelik jylda jasaǵan jumystar. Búginde 11 myńnan astam túlektiń teń jartysy sheshim qabyldaý deńgeıindegi basshylar, túlekterdiń 10 paıyzy óz kásibin ashyp, basqaryp otyrǵandar. Jalpy, Táýelsiz Qazaqstan damýynyń qaı salasyn al­saq ta, mańyzdy jobalardyń júzege asyrylýynda «Bolashaq» túlekteri jappaı tartylǵan jáne tartyla beredi.  

Sondyqtan býyny bekime­gen eldiń eń alǵashqy qarly­ǵashtary men búgingi «bola­shaqtyqtar» memleket qamqor­lyǵyn shyn sezinedi ári ózderi arqa­laǵan ama­natty abyroımen alyp júr dep senim­men aıta alamyn.

Sóz sońynda, «Bolashaq» baǵdar­la­ma­­synyń túlegi ári Halyqaralyq baǵ­darla­malar orta­lyǵynyń jetekshisi retin­de Elbasynyń ózi tikeleı nazar salyp, qoldap otyrǵan baǵdar­lamanyń odan ári sapa­lyq turǵydan jetilýine, izgi ıdeıa­nyń irkilissiz jumys isteýine úles qosyp kele jatqanymdy maqtan tutatynymdy ári «Bola­shaq» túlegi» degen mártebe sal­maǵy maǵan zil jaýap­­ker­­shilik júkteıtinin aıtqym keledi.

El bolashaǵy úshin eńbek ete bereıik!

 

Aınur KÁRIBOZOVA,

«Bolashaq» halyqaralyq stıpendııasynyń ákimshisi «Halyqaralyq baǵdarlamalar ortalyǵy» AQ Prezıdenti, «Bolashaq» baǵdarlamasynyń túlegi, London ekonomıka mektebi (LSE)

Sońǵy jańalyqtar

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Zeınetkerlerge avtonesıe berile me?

Qoǵam • Búgin, 12:18

Esirtki satatyn 655 saıt buǵattaldy

Qoǵam • Búgin, 12:09

Uqsas jańalyqtar