«Bıylǵy 11 aıda ekonomıkalyq qylmystardan memleketke keltirilgen jalpy shyǵynnyń kólemi 4,5 mlrd teńgeden asyp otyr. Onyń 3,6 mlrd teńgeden astamy memleketke qaıtaryldy. Jyl basynan beri Atyraý oblysynda qarjy pıramıdasyna qatysty 2 derek anyqtaldy. Bul istiń materıaldary odan ári tergeý úshin basqa óńirlerge berildi. Sondaı-aq, bıyl munaı men munaı ónimderiniń zańsyz aınalymynyń joly kesildi. Máselen, Jylyoı aýdanyndaǵy ken oryndarynyń birinen 913 tonna munaı ónimderin tıisti qujattarsyz zańsyz tasymaldaý deregi anyqtaldy. Osy iske qatysy bar adamdar sot úkimimen sottaldy», deıdi Bekbolat Ánesov.
Sondaı-aq, jalǵan shot-faktýralardy qoldaný, kapıtaldy shetelge zańsyz shyǵarýǵa baılanysty anyqtalǵan qylmystar týraly aıtyldy. Kapıtaldy shetelge shyǵarý – ekonomıkalyq qylmystardy anyqtaý jáne onyń jolyn kesý tájirıbesinde sırek kezdesetin jaıt. Naqtylaı aıtqanda, Atyraýdan Qytaı Halyq Respýblıkasyna 2,9 mln-nan astam AQSh dollaryn (1 mlrd 200 mln teńgeden astam) shyǵarǵan JShS dırektory sottaldy.
