Elordanyń birinshi jáne ázirge jalǵyz jyl boıǵy jármeńkesinde azyq-túlik taýarlarynyń barlyq túri – et, jemis-jıdek, kókónis, sút ónimderi, taýyq eti, jumyrtqa, bakaleıa, jarma jáne nan-toqash ónimderi satylatyn bolady. Munda jergilikti óndiris ónimderi, sondaı-aq Qaraǵandy, Pavlodar, Aqmola jáne ózge de oblystardyń aýylsharýashylyq ónimderi usynylady. Saýda ortalyǵynyń jumysy azyq-túlik qaýipsizdigin qamtamasyz etýge múmkindik beredi, óıtkeni azyq-túlik baǵasy naryqtan tómen ári qosymsha jumys oryndaryn ashady.
Mundaı jármeńkege qatysý kásipkerler úshin de tıimdi. Saýda ortalyǵy jumysynyń alǵashqy úsh aıynda oryndar tegin beriledi dep josparlanyp otyr. Budan ári jaldaý aqysy jeńildikti tarıf boıynsha alynatyn bolady, ol tek kommýnaldyq qyzmetter boıynsha shyǵystardy jabýǵa ǵana baǵyttalady.
Áýejaı aýmaǵynda turaqty jumys isteıtin jármeńkesi bar saýda ortalyǵynyń ashylýy Big Shanhaı saýda ortalyǵynda paıda bolatyn jol trafıgin azaıtýǵa múmkindik beredi. Qala mańyndaǵy saýda ortalyǵy 50 000 astanalyq turǵyndy qamtıdy.
