Professor Nazaralıevti Nobel syılyǵyna usynýda

Qyrǵyzdyń belgili narkologi, professor Jenishbek Nazaralıevti Nobel syılyǵyna úmitker retinde usynatyndyǵy týraly habardy qulaǵymyz shalyp qaldy. Mine, osyǵan baılanysty Jenishbek myrzamen habarlasyp, suhbattasýdyń reti tústi. Ol bizge syılyqqa usynylýyn, óziniń Doctor Life telejobasy mánin túsindirip, maskúnemdikti jáne nashaqorlyqty emdeý jónindegi tájirıbesin bólisti. – Jenishbek myrza, buqaralyq aqparat quraldary sizdiń Nobel syılyǵyn alýy­ńyzǵa múmkin­digińiz bar ekendigi týraly habar taratty. Sonyń anyq-qanyǵyn aıtyp berseńiz? – Men Nobel syılyǵy týrasynda alǵash ret «Esirtkisiz álem» Búkildúnıejúzilik lıgasy qoǵamdyq uıymynyń qyz­metkerlerinen estip bildim. Aıt­qanyndaı, bul uıymǵa ózim jetekshilik etemin. Basynda buǵan men onsha mán bermedim. Sóıtsem, onym beker eken. Syılyqqa usy­nylǵandyǵym jaıly bastamashylardan jazbasha rastaý hat alǵannan keıin baryp sendim. 2013 jylǵy jeltoqsan aıynyń sońynda Iemende shtab-páteri ornalasqan Life Friends (О́mir Dostary) halyq­aralyq nashaqorlyqqa qarsy uıymynyń prezıdenti 2014 jyl­ǵy Beıbitshilik salasyndaǵy Nobel syılyǵyna meni usyný jumys­tarynyń bastalǵandyǵyn habarlady. Buǵan meniń kópjyldyq qyz­metim negiz bolypty. Shırek ǵasyr boıy esirtkige jáne ishimdikke tá­ýeldi adamdardy emdeýmen aınalysyp keldim. Osy ýaqyt ishinde 17 myńnan astam naýqasty emdedim. Al 2002 jyldan beri búkil álem boıynsha esirtkiniń aldyn alý jáne oǵan qarsy shara júrgizýmen aınalysyp júrmin. – Bul máselede Life Friends uıymyna qandaı ról júktelgen? – Hattaǵy jazýdan uqqanym, atalǵan uıym Shved akademııasyna ótinish bildirip, ózderiniń usynystaryn jáne maǵan qatysty bar qujatty salyp jiberipti. О́ıtkeni, Nobel syılyǵyna úmitkerlerdi shvedtik akademıkter tańdap alady. Iаǵnı, olar meniń jumysymdy egjeı-tegjeıli zerdelep, tıisti sheshim qabyldaýlary qajet. Life Friends halyqaralyq uıymy bul oraıda naqty usynyspen shyǵyp otyr. Ol, árıne, qarastyrylýy tıis. Sondaı-aq, syılyq alýǵa úmitker ǵalymdar men qoǵam qaıratkerlerin qoǵamdyq jáne ǵylymı uıymdar da usynady. Sondyqtan da, Life Friends Brıtandyq damý jáne adam densaýlyǵy akademııasyna, Arab jáne Eýropa akademııalaryna ótinish bildiripti. Barlyq uıymdar biraýyzdan yntymaqtastyq jasaýǵa daıyn ekendikterin maquldapty. Life Friends prezıdenti sondaı-aq Nobel syılyǵynyń burynǵy laýreattarynyń birinen usynym hat alyp tapsyrý qajettigin eskertti. Osyǵan baılanysty Búkildúnıejúzilik lıganyń qurmetti múshesi, dinbasy Dalaı-lamaǵa meni qoldaýyn ótindim. – Baspasózde sizdiń Nobel syılyǵyna usynylýyńyzdan basqa, Doctor Life (О́mir Doktory) 20 serııaly televızııalyq jo­­ba­ńyzdyń aıaqtalǵandyǵy jó­ninde de jazyldy. Bul joba­ńyz­da siz maskúnemderdi jáne na­shaqorlardy emdeýdiń túrli jol­daryn jan-jaqty kórsetken edi­ńiz. Osy týraly tolyǵyraq aı­typ ótseńiz?  – Qazirgi kezde Doctor Life telejobasy aıaqtaldy. 2012 jyldyń kúz aıynda Doctor Life jobasynyń segiz keıipkeri ózderiniń týysqandarymen birge Qyrǵyzstanǵa taban tiredi. Olar AQSh, Reseı jáne Germanııadan emdelýge kelgender edi. Biz reseılik televızııa mamandarymen birlesip klınıkadaǵy emdeý kezin túgeldeı túsirip aldyq. Emdeýdiń barlyq kezeńderin aǵylshyn, fransýz, ıspan, orys, qytaı, japon jáne arab tilderinde kórsettik. Ońaltý kýrsy 42 kúnge sozyldy. Doctor Lifeniń qorytyndy 20-shy serııasyn naýqastardy negizgi emdeýden jáne klınıkadan saýyǵyp shyqqannan soń bir jyldan keıin túsirdik. Bul serııada qatysýshylar emdelýden keıingi kezdesetin maskúnemdik pen nashaqorlyqtyń túıtkildi máseleleri jaıly pikirlerin ortaǵa saldy. Jalpy alǵanda Doctor Life maskúnemdik pen nashaqorlyqtyń zardaby týraly naqty máselelerdi der kezinde kóterdi dep oılaımyn. Sonyń nátıjesinde kóptegen adamdar keselden arylyp, týǵan-týysqandary men jaqyndaryna qýanysh syılady. Osynyń bári ekranda tikeleı kórsetilip, kóp­shiliktiń nazaryn ózine aýdartty. Atalǵan fılm tek naýqastar men olardyń jaqyndaryna ǵana emes, sondaı-aq, narkolog-dárigerlerge de paıdasyn tıgizdi. Olar aýrýlardy emdep, ońaltýǵa jańasha kózqaraspen kiriskendigi de búgin­gi tańda shyndyqqa aınaldy. Eýra­zııadaǵy bizdiń eń iri jekemenshik medısınalyq ortalyǵymyzda jyl saıyn sandaǵan medısına qyz­metkerleri taǵylymdamadan ótedi. – Esirtkige táýeldilikten qa­laı arylýǵa bolady? TMD keńis­tiginiń jáne Eýropanyń basqa ortalyqtarymen salystyrǵanda emdeý isi sizderde qymbat tura ma? – Qazaqstandyqtar úshin 15 paıyzdyq jeńildik belgiledik. Atap aıtatynymyz, klınıkamyz eń joǵary deńgeıde emdeıdi. Emdeý baǵasyn ınternetten nemese bizge habarlasyp bilýge bo­­­lady. Maskúnemdikpen jáne na­sha­qorlyqpen aýyratyndardy emdeýdiń joldaryn bilgińiz kelse, «Doctor Life. Jyl ótkennen keıin» telejobasynyń 20-shy qorytyndy serııasyn kórseńiz, bárine qany­ǵasyz. Bul serııada emdeý­ge baılanysty naqty jaýap berip, is júzinde oryndalatyndyǵyn dáleldeımiz. Áńgimelesken Marat AQQUL, «Egemen Qazaqstan». PS: Nazaralıevtiń klınıkasynda qosym­sha júıke aýrýlary bólimshesi ashyldy. Munda kúızelip jabyǵýdan, uıqysyzdyqtan, úreıden, yǵyr qylatyn oıdan, únemi sharshaýdan, qorqýdan jáne taǵy basqalardan zardap shegetin adamdardy emdeý jáne ońaltý júrgiziledi. www.doctorlife.tv tel. +996 312 650241