Táýelsizdiktiń 30 jyldyǵy • 16 Jeltoqsan, 2021

Orda buzǵan otyz jyl

169 ret kórsetildi

Azattyq – ataýy altynmen ádip­tel­gen aıaýly uǵym. Erkindikti elden erek súıetin halyq úshin odan ba­ǵaly qundylyq, odan qymbat qazy­na joq. Osydan tup-týra 30 jyl buryn tarlan tarıhymyzdan tamyr tart­qan aǵa býynnyń asyl armany oryndaldy. Ult bolyp uıyp, jurt bolyp etek-jeńi­mizdi jıyp jańa memleket qur­dyq. Endigi kúni kósegemiz kóge­rip, kók­jıegimiz keńeıip úsh on­jyl­dyq deıtin berekeli beles­ten atta­ǵaly turmyz. Túptep kel­gende bostandyq degenińiz bos sóz emes, bul – bútin bir halyqtyń asqaq­ta­ǵan rýhy, qaıratymyzdyń qaı­nar kózi.

Attyń jaly, túıeniń qomynda jú­rip elin daýǵa, jerin jaýǵa bermegen bahadúr babalardyń iriligi men tiriligi hal­qy­myzdy atajurtsyz qaldyrǵan joq. Tuńǵysh Prezıdentimiz aıtyp otyr­ǵan­daı, zamana synyna tóze almaǵan qanshama ult pen ulys bordaı tozyp, tastaı úgilip, qumdaı shaıy­lyp ketti. Alash balasy da attan túsken, taǵdyry qyl ústinde turǵan kezder az bolǵan joq. Alasapyran jyldardy da, keseli kóp kezeńderdi de bastan ótkerdik. Soǵan qaramastan, «myń ólip, myń tirilgen» halyqtyń sýishkiligi, kórer jaryǵy men baǵyna buıyrǵan baqyty bar eken.

Alaıda sol baqytty ýystan shy­ǵaryp almaı ustap qalǵan tu­ǵyr­ly tulǵa bolmasa erkindiktiń ózi ertegige, azattyqtyń ózi ańyzǵa aınalýy múmkin edi. Táýbe, Elbasy osyndaı olqylyqqa jol bergen joq. Tabandylyǵy men eńbekqorlyǵy, otansúıgishtigi men ultjandylyǵy el baǵyna buıyrǵan Tuńǵysh Prezıden­ti­miz­di bıikke kóterdi. Halyq senip tapsyrǵan amanatqa qııanat jasamaı, jas memleketti jasampazdyqqa bastady. Egemendiktiń eleń-alańynda qaz-qaz basqan Qazaqstannyń qabyrǵasyn qa­taıtyp, eńsesin tiktedi. Bul týra­ly El­ba­sy bylaı degen bolatyn: «Adamzat ta­rı­hyndaǵy eń aıtýly oqıǵalarǵa toly ǵasyrlar toǵysynda elimizdi bas­qarý maǵan úlken senimmen qatar zor jaýapkershilik júktedi. Men ózim bas­shylyq etken otyz jylǵa jýyq ýaqyt boıyna týǵan halqymnyń senimin aq­taý úshin bar kúsh-jigerimdi aıanbaı jum­sa­dym».

Sanymyz artyp, qanymyz týlap, júzimiz jarqyrap keledi. Alaǵaı da bulaǵaı zamanda tórtkúl dúnıege tarydaı shashylǵan qandastarymyzdy shaqyryp jatyrmyz. Elge el, qutqa qut qosyldy. El Prezıdenti aıtyp otyrǵandaı, ordaly otyz jyl hal­qymyz úshin tu­tas dáýirge aınaldy. Osynaý qysqa mer­zimde Qazaq elin dúnıe júzi tanyp, el as­tanasyna adamzat balasy súı­sinip, otandastarymyzdyń jetken jetis­tikterine talaı adam tamsanyp úl­gerdi. Áli tańdana, tańyrqaı bere­tinine senim mol. Eń bastysy, ulttyń ustynyna aınalǵan uly baqytymyz – táýelsizdikti kózdiń qarashyǵyndaı qorǵap qalýymyz qajet!

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar