Qujatta bekitilgen kelisimderge sáıkes, eki eldiń negizgi baspa basylymdary arasynda aqparat almasý, jýrnalısterdi oqytý, birlesken BAQ is-sharalaryn uıymdastyrý sekildi ózara baılanys ornaıdy.
Aqparat almasý týraly kelisimge Belarýs Respýblıkasy Prezıdenti Ákimshiliginiń «Belarýs segodnıa» baspasy» dırektorynyń birinshi orynbasary – bas redaktory Mıhaıl Lebedık pen «Egemen Qazaqstan» RG» AQ tarapynan basqarma tóraǵasynyń birinshi orynbasary Vladımır Kýrıatov qol qoıdy.
«Búgingi tańda senimdi jáne ózekti aqparatty bastapqy kózden alý óte mańyzdy. Eki jaqtyń orasan zor aqparattyq múmkindikteri men platformalaryn paıdalana otyryp, biz Qazaqstan turǵyndarynyń Belarýstiń damýy, onyń jasampaz jáne beıbitshil saıasaty, halyqaralyq bastamalary jáne eýrazııalyq keńistiktegi ıntegrasııalyq yntymaqtastyqqa qosqan úlesi týraly kóbirek bilýi úshin laıyqty aqparattardy bólisýge tyrysamyz. Elimizdiń mańyzdy saıası jáne ekonomıkalyq seriktesi – Qazaqstan týraly kóbirek bilýge belorýstar da qyzyǵýshylyq tanytatynyna senimdimin», dedi Mıhaıl Lebedık.
Bas basylymdar arasyndaǵy yntymaqtastyq pen tájirıbe almasý úshin atalǵan kelisimniń mańyzy zor.
«Atap aıtqanda, bizdi «Belarýs segodnıa» gazetiniń ınternet pen áleýmettik jelilerdiń damyǵan kezeńinde medıa-naryqtaǵy qıyn jaǵdaıǵa qalaı beıimdeletini qyzyqtyrady. Budan bólek Belarýs elinde basylymdy túrlendirý qalaı júrip jatyr, gazetterdi aýyl-aımaqqa der kezinde jetkizile me? Bálkim, bizdiń áriptester Qazaqstannyń tájirıbesine qyzyǵýshylyq tanytqan shyǵar. Sondyqtan ortaq kelisim gazetterimizge de, oqyrmandarymyzǵa da paıdaly bolady dep oılaımyn», dep atap ótti Vladımır Kýrıatov.
