Sheteldik jumys kúshin tartýǵa berilgen ruqsattardyń ishinde kelesi sanattar bar:
- Birinshi sanat – 643 (basshylar jáne olardyń orynbasarlary),
- Ekinshi sanat – 3 210 (qurylymdyq bólimshelerdiń basshylary).
- ShJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa 7 748 jáne 735 adam jatady.
Sondaı-aq maýsymdyq jumystarǵa – 1 134 adam, al korporatıvtik aýystyrý sheńberinde – 2 057 adam tartylǵan.
«Qazirgi ýaqytta Qazaqstanda ShJK paıdalanatyn 1 261 jumys berýshi bar. Olarda shamamen 460 myńnan astam Qazaqstan azamattary jumys isteıdi, bul jalpy jumysshylar sanynyń 97%-yn quraıdy», deıdi vedomstvo baspasóz qyzmeti.
Jalpy, elimizde Qytaıdan – 3 784 adam, Ulybrıtanııadan – 1 996 adam, Túrkııadan – 1 985 adam, Úndistannan – 1 182 adam, О́zbekstannan – 1 138 adam qyzmet etedi.
Eske sala ketsek, ishki eńbek naryǵyn qorǵaý maqsatynda, QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.
