Mınıstr Rýmynııa parlamentshilerin eksporttyq jáne ımporttyq operasııalar kezindegi kólik jáne logıstıka, ónerkásip jáne mashına jasaý salalaryndaǵy yntymaqtastyq perspektıvalarymen, sondaı-aq ınvestorlarǵa usynylatyn múmkindiktermen tanystyrdy. Kezdesýge qatysýshylar sondaı-aq tikeleı júk jáne jolaýshylar áýe baǵyttaryn ashý jaıyn talqylady.
Kelissózder qorytyndysynda taraptar syndarly dıalog úshin rızashylyqtaryn bildirip, Qazaqstan men Rýmynııa arasyndaǵy qarym-qatynasty damytýdyń mańyzdylyǵyn atap ótti.
Aıta keteıik, 2021 jyldyń 10 aıynda Qazaqstan men Rýmynııa arasyndaǵy taýar aınalymy 39% artyp, 1,4 mlrd AQSh dollaryn qurady.
Qazaqstanda Rýmyn kapıtalynyń qatysýmen 24 kompanııa tirkelgen. Rýmynııada qazaqstandyq kapıtaldyń qatysýymen 17 zańdy tulǵa jumys isteıdi. Rýmynııadan Qazaqstan ekonomıkasyna salynǵan ınvestısııalar - 1,57 mlrd AQSh dollaryn (2005 jyldan 2020 jylǵa deıin) qurady.
