Boks • 22 Jeltoqsan, 2021

Bokstan Qazaqstan chempıonatynyń fınalısteri belgili boldy

36 ret kórsetildi

Oralda bokstan erler arasyndaǵy Qazaqstan chempıonatynda alǵashqy fınalıster belgili boldy, dep habarlaıdy Egemen.kz.



Tennıs ortalyǵynda ótip jatqan aıtýly dodada 48 kg salmaqta batysqazaqstandyq Danııal Sábıt Almaty oblysynyń ókili Kenje Muratulyn 5:0 esebimen utyp, sońǵy básekege joldama aldy.

Almaty qalasynan kelgen Ernur Qaıratty aıqyn basymdylyqpen (5:0) jeńgen elordalyq Sanjar Tashkenbaı D.Sábıtke qarsylas atandy. 51 kg salmaqta taǵy bir batysqazaqstandyq Nursultan Nurıdenov jartylaı fınalda Almaty oblysynyń namysyn qorǵaǵan Tımýr Qabdeshovten aılasyn asyrdy (3:2).

Nursultan fınalda Almaty oblysynyń taǵy bir ókili Damır Ábdiqadyrmen judyryqtasady. Ol mańǵystaýlyq Qýanysh Dúısenbaıdan aılasyn asyrdy (5:0). 54 kg salmaqta atyraýlyq Oljas Baınııazov shyǵysqazaqstandyq Dáýlet Moldashevtiń meselin qaıyrdy (5:0).

Qyzylordalyq Nursultan Altynbekten 4:1 esebimen basym túsken qaraǵandylyq Talǵat Syrymbetov te altyn úshin aıqasady. 57 kg salmaqta Aqmola oblysynan kelgen Orazbek Asylqulov pavlodarlyq Erbolat Sabyrdy utyp ketti (5:0). Onyń fınaldaǵy qarsylasy – jambyldyq Bıbarys Jeksendi súrindirgen qostanaılyq Aıdos Arapov. 67 kg salmaqta Almaty oblysynyń boksshysy Darhan Dúısebaı óziniń jerlesi Mıras Ertanovty 5:0 esebimen jeńdi.

Shymkenttik Dáýlet Nysandy joldan taıdyrǵan (5:0) jambyldyq Dýlat Bekbaýov ta fınalda. 71 kg salmaqta fınalda pavlodarlyq Qýan Qýatov pen shyǵysqazaqstandyq Ermahan Jakpekov kezdesedi. Olar sáıkesinshe almatylyq Armat Armanuly men Almaty oblysynyń ókili Nurjan Amangeldiden aıqyn basym shyqty. 75 kg salmaqta tóreshilerdiń sheshimi boıynsha jambyldyq Nurjigit Moljigitovti jeńgen atyraýlyq Nurqanat Raıys pen almatylyq Tımýr Nurseıitovten basym túsken pavlodarlyq Aıatýlla Takıjanov fınalǵa joldama aldy.

Basqa salmaq dárejelerinde fınalıster búgin anyqtalady.

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar