17 jeltoqsanda «Krasınes» baý-baqsha seriktestigi aýmaǵynda belgisiz janýardyń shabýylynan keıin 7 jasar qyz qaıtys bolǵan edi. Alǵan jaraqattaryna qarap, qyzǵa janýar shabýyl jasaǵany belgili boldy. Qaıǵyly oqıǵadan keıin mamandar buralqy ıtterdi atýǵa sheshim shyǵardy.
Qańǵybas ıtter tótenshe jaǵdaı bolǵan Leshoz aýylynda ustala bastady. Sonymen qatar, bul jumysty búkil qala boıynsha júrgizý josparlanyp otyr.
Keıingi úsh kúnde 85 ıt atylǵany anyqtaldy. О́skemende osy maqsatqa bıyl 17 mıllıon teńge, oblys boıynsha 80 mıllıon teńgeden asa qarajat jumsalǵan.
Telearna málimetinshe, jyl basynan beri óńirde 24 myńnan asa qańǵybas ıt pen mysyq joıylǵan. Zootehnıkter mundaı sharaǵa qarsy, biraq veterınarııa basqarmasy qazir basqa sheshim joq ekenin málimdedi.
«Keıbir kezde azamattar men janýarlar quqyǵyn qorǵaýshylar qarsylyq kórsetedi. Alaıda qańǵybas ıt bir adamǵa emes, qoǵamǵa qaýipti. Sondyqtan bul jumysty ýchaskelik ınspektorlarmen birge jalǵastyryp jatyrmyz», dep túsindirdi Shyǵys Qazaqstan oblysy veterınarııa basqarmasynyń basshysy Ertaı Batholdın.
